ჩინეთი ეხმარება რუსეთს საბჭოთა დროიდან მოყოლებული ყველაზე დიდი სამხედრო ექსპანსიის განხორციელებაში, რაც ხელს უწყობს მოსკოვის თავდაცვის წარმოების გაძლიერებაში აღჭურვილობის მიწოდების გზით, - ამის შესახებ წერენ Reuters და AFP აშშ-ის მაღალჩინოსნებზე დაყრდნობით.

სააგენტოების თანამოსაუბრეების თქმით, ანონიმურობის პირობით, აშშ-ის პრეზიდენტმა ჯო ბაიდენმა ეს საკითხი ჩინეთის პრეზიდენტ სი ძინპინთან ბოლო სატელეფონო საუბრისას დააყენა; ის ასევე არის დისკუსიის საგანი აშშ-ს მოკავშირეებთან ევროპასა და მთელ მსოფლიოში.

მოკლე ბრიფინგზე ჟურნალისტებისთვის წარდგენილი ზოგიერთი ინფორმაცია ეფუძნებოდა გასაიდუმლოებულ დაზვერვას.

როგორც AFP ოფიციალურ პირებზე დაყრდნობით წერს, ჩინეთი, რუსეთს ეხმარება რიგ სფეროებში, მათ შორის ბალისტიკური რაკეტების წარმოებისთვის საჭირო დრონებისა და ჩარხების ერთობლივ წარმოებაში.

”რუსეთი საბჭოთა კავშირის შემდეგ ყველაზე ამბიციურ თავდაცვის გაფართოებას ახორციელებს და ბევრად უფრო მოკლე დროში, ვიდრე ჩვენ გვგონია, რომ შესაძლებელია,” - თქვა ერთ-ერთმა ოფიციალურმა პირმა უკრაინაში სრულმასშტაბიანი შეჭრაზე.

„ჩვენ გვჯერა, რომ ერთ-ერთი ყველაზე მნიშვნელოვანი ნაბიჯი, რომელიც შეგვიძლია გადავდგათ ამ დროს უკრაინის მხარდასაჭერად, არის დავარწმუნოთ პეკინი, შეწყვიტოს რუსეთის დახმარება სამხედრო ინდუსტრიული ბაზის აღდგენაში. რუსეთისთვის რთული იქნება სამხედრო ძალისხმევის შენარჩუნება ჩინეთის დახმარების გარეშე.“, - თქვა მან.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა