13 აპრილიდან 18-მეტრიანი ავტობუსების ხაზებზე გაშვების შედეგად გამოთავისუფლებული ავტობუსები შვიდ მარშრუტს დაემატება, რაც ტრანსპორტის მოცდის დროს შეამცირებს.

ამის შესახებ თბილისის მერმა კახა კალაძემ დღეს, დედაქალაქის მთავრობის სხდომაზე განაცხადა.

„ჩვენი სატრანსპორტო პოლიტიკის ერთ-ერთი მიმართულებაა ავტობუსების ჩანაცვლება, განახლება, დამატება, იმისთვის, რომ საზოგადოებრივი ტრანპორტი ყველაზე კომფორტული გავხადოთ. როგორც იცით, 18-მეტრიანი ავტობუსები, რომელიც შემოვიდა, გადანაწილდა სხვადასხვა მარშრუტზე.

პირველ რიგში, ავიღეთ ის მიმართულებები, სადაც ყველაზე მეტი მგზავრთნაკადია და ყველაზე მეტად საჭიროებდა ავტობუსების დამატებას. 13 აპრილიდან გამოთავისუფლებული ავტობუსები შვიდ მარშრუტს დაემატება, რომლის შედეგადაც, N304 მარშრუტზე მოცდის დრო შემცირდება 15 წუთამდე, N307-ზე -12 წუთამდე, N311-ზე - 14 წუთამდე, N315-ზე - 15 წუთამდე, N339-ზე - 6 წუთამდე, N351-ზე - 10 წუთამდე, ხოლო N385-ზე - 10 წუთამდე“, - განაცხადა კახა კალაძემ.

მისივე თქმით, მას შემდეგ, რაც ქალაქში დამატებითი ავტობუსები შემოვლენ, გამოთავისუფლებული რესურსის გადანაწილების პროცესი გაგრძელდება.

„ველოდებით დამატებითი ავტობუსების ეტაპობრივად შემოსვლას, გამოთავისუფლებული ავტობუსები კი სხვადასხვა მარშრუტს დაემატება, რათა რაც შეიძლება მეტი ადამიანის გადაყვანა შევძლოთ. ეს ყველაფერი მოგვცემს იმის საშუალებას, რომ საზოგადოებრივი ტრანსპორტით მგზავრობა უფრო სწრაფი და კომფორტული გავხადოთ“, - აღნიშნა კახა კალაძემ. 

თბილისის მერმა მთავრობის სხდომაზე საზოგადოებას სტატისტიკური მონაცემებიც წარუდგინა. 

„2018 წელთან შედარებით, ხაზზე მომუშავე ავტობუსების რაოდენობა დღეის მდგომარეობით, გაიზარდა 27%-ით, ხოლო მგზავრთ ტევადობა - 65%-ით (21000 მგზავრით). ვფიქრობ, ამ პოლიტიკით შევძლებთ, კიდევ უფრო გავზარდოთ მგზავრთნაკადი. განხორციელებული ღონისძიებების პირველი შედეგები უკვე თვალსაჩინოა. მაგალითად, 1-ელ აპრილს დაფიქსირდა ავტობუსებით გადაყვანილი მგზავრების რაოდენობის რეკორდული მაჩვენებელი - 600 ათასი მგზავრი და ეს მონაცემები პროექტის დასრულების შემდეგ კიდევ უფრო გაიზრდება“, - განაცხადა კახა კალაძემ.

ავტორი: NS (სტატია დაფინანსებულია),

სოციალური ქსელები

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს