სლოვაკეთის საპრეზიდენტო არჩევნებში პარლამენტის სპიკერმა და პარტია „ხმა - სოციალ-დემოკრატიის“ ლიდერმა პიტერ პელეგრინიმ გაიმარჯვა, იუწყება Reuters.

როგორც სააგენტო აღნიშნავს, მისი გამარჯვება გააძლიერებს პრემიერ-მინისტრ რობერტ ფიცოს ძალაუფლებას, რომელიც პრორუს პოლიტიკოსად ითვლება. პელეგრინი, ფიცოს მსგავსად, ეწინააღმდეგება უკრაინის სამხედრო დახმარების გაწევას.

ირკვევა, რომ გამარჯვებულმა ხმების 53,26% მიიღო. პროდასავლური ოპოზიციის კანდიდატს ივან კორკოკს ამომრჩეველთა 46,73%-მა მისცა ხმა.

სლოვაკეთი საპარლამენტო რესპუბლიკაა და აღმასრულებელი ხელისუფლების მეთაური არის პრემიერ-მინისტრი, მაგრამ პრეზიდენტს შეუძლია კანონებზე ვეტოს დადება. ამასთან, პრეზიდენტი ნიშნავს საკონსტიტუციო სასამართლოს მოსამართლეებს; ამან შეიძლება მნიშვნელოვანი როლი შეასრულოს სიტუაციაში, თუ ოპოზიცია შეეცდება ფიცოს მთავრობის მიერ წამოყენებული კანონპროექტების სასამართლოში გასაჩივრებას.

ფიცო ხელისუფლებაში ოქტომბერში მოვიდა და სისხლის სამართლისა და მედია რეფორმების ინიცირება მოახდინა. პრემიერ-მინისტრის კოალიციამ, რომელშიც შედის პარტია ხმა - სოციალ-დემოკრატია, უკრაინას იარაღის მიწოდება შეწყვიტა.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა