ორსკის ხელისუფლებამ, რომელიც მდებარეობს ყაზახეთის საზღვართან მდინარე ურალზე, კაშხლის გარღვევის შემდეგ,  მცხოვრებთათვის სასწრაფო ევაკუაცია გამოაცხადა. - ამის შესახებ ქალაქის ადმინისტრაციის პრესსამსახურში განაცხადეს.

დაღუპულთა და დაშავებულთა ზუსტი რაოდენობა ჯერჯერობით უცნობია. ორსკის დატბორილ რაიონებში პატრულირებისას ოპერატიულმა სამსახურებმა გვამები იპოვეს. როგორც TASS წყაროზე დაყრდნობით იუწყება, ორი ცხედარი ქუჩაში იპოვეს, ერთი კი სახლში. ბოლო პირმა ევაკუაციაზე უარი განაცხადა, განმარტა სააგენტოსთან თანამოსაუბრემ. 

მედიაში გავრცელდა ინფორმაცია კაშხლის სრული განადგურების შესახებ, მაგრამ რეგიონული ხელისუფლება აცხადებდა, რომ ეს სიმართლეს არ შეესაბამება. „კაშხლის სიგრძე რამდენიმე კილომეტრია. ის განიცდის სტრესს იქ, სადაც ბევრი წყალია. “, - განუცხადა „ინტერფაქსს“ გუბერნატორისა და რეგიონული ხელისუფლების პრესსამსახურის წარმომადგენელმა. მან დასძინა, რომ კაშხალი აშენდა 2014 წელს, მანამდე კი ორსკის ამ ნაწილში „წყალდიდობის დროს ყველაფერი რეგულარულად ცურავდა“.

როგორც The Insider წერს, 5 აპრილს ორსკში წყალდიდობის ფონზე კაშხალი გაირღვა. დილისთვის ორსკის ძველი ქალაქის ნახევარი დაიტბორა და უბნის იზოლაციის საფრთხე არსებობს. მთლიანობაში, წყალდიდობის საფრთხის გამო ორენბურგის რეგიონში 4 ათასზე მეტი ადამიანი, მათ შორის ათასზე მეტი ბავშვი იქნა ევაკუირებული. 2,5 ათასზე მეტი სახლი და 6,8 ათასი საყოფაცხოვრებო ნაკვეთი წყალდიდობის ზონაში მოხვდა, იტყობინება რეგიონული მთავრობა. ელექტროენერგიის მიწოდება შეფერხებულია 12 დასახლებაში.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა