2024-04-05 14:00:35, 492 ნახვა

---

ნორვეგიის საგარეო - „უცხოური გავლენის გამჭვირვალობის შესახებ“ კანონპროექტი ძირს უთხრის საქართველოს ევროატლანტიკურ გზას

ნორვეგიის საგარეო საქმეთა სამინისტრო საქართველოს პარლამენტში „უცხოური გავლენის გამჭვირვალობის შესახებ“ კანონპროექტის ხელახლა ინიცირებას ეხმაურება.

უწყება აღნიშნულთან დაკავშირებით X-ზე (ყოფილ Twitter-ზე) განცხადებას აქვეყნებს.

„ნორვეგია შეშფოთებულია საქართველოში არსებული სამართლებრივი ინიციატივებით, „უცხოური გავლენის“ და „ოჯახური ღირებულებების“ შესახებ, რომელიც სამოქალაქო საზოგადოებასა და ლგბტქი+ პირებს სტიგმატირებს.

ის ძირს უთხრის მნიშვნელოვან ღირებულებებს, საქართველოს დემოკრატიას და ევროატლანტიკურ გზას“, - ნათქვამია უწყების განცხადებაში.

შეგახსენებთ, 3 აპრილს „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა, მამუკა მდინარაძემ განაცხადა, რომ საპარლამენტო უმრავლესობა „უცხოური გავლენის გამჭვირვალობის შესახებ" კანონპროექტს პარლამენტში ხელახლა წარადგენდა. საკანონმდებლო ინიციატივა პარლამენტში იმავე დღეს დააინიცირეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი