ირანმა რუსეთს მის მიწაზე "დიდი ტერორისტული ოპერაციის" დაწყების შესახებ გასულ თვეს შეატყობინა,- ამის შესახებ Reuters-ი სამ წყაროზე დაყრდნობით წერს.

სააგენტოს ცნობით, "რუსეთში თავდასხმამდე რამდენიმე დღით ადრე, თეირანმა მოსკოვს რუსეთის შიგნით შესაძლო დიდი ტერორისტული თავდასხმის შესახებ გაუზიარა ინფორმაცია, რომელიც  იმ პირების დაკითხვისას მოიპოვა, რომლებიც ირანში განხორციელებული დაბომბვის გამო დააპატიმრეს".

სააგენტოს წყარომ უთხრა, რომ "მოსკოვისთვის მიწოდებულ ინფორმაციაში არ იყო სპეციფიკური დეტალები კონკრეტულ დროსა და სამიზნესთან დაკავშირებით“. 

„ხორასანის ისლამისტ მებრძოლებს ინსტრუქცია ჰქონდათ, მომზადებულიყვნენ რუსეთში მნიშვნელოვანი ოპერაციისთვის. ერთ-ერთმა ტერორისტმა განაცხადა, რომ დაჯგუფების წევრები უკვე რუსეთში გაემგზავრნენ“,- ამბობს წყარო.

კიდევ ერთი წყაროს თქმით, „რამდენადაც ირანი ბოლო წლებში ტერორისტული თავდასხმების მსხვერპლი იყო, ირანის ხელისუფლებამ შეასრულა თავისი ვალდებულება და აცნობა მოსკოვს დაკავებული ტერორისტებისგან მოპოვებული ინფორმაცია“.

ირანის დაზვერვის უწყებაში განაცხადეს, რომ 3 იანვარს, ქერმანში განხორციელებულ თავდასხმასთან კავშირის გამო, რომელსაც 100-მდე ადამიანი ემსხვერპლა, 35 ადამიანი დააკავეს. რამდენიმე დღეში კი, მათ „ისლამური სახელმწიფოს" ავღანური ფილიალის ხორასანის მეთაური აიყვანეს. ირანში განხორციელებულ თავდასხმაზე პასუხისმგებლობა სწორედ „ისლამური სახელმწიფოს“ ხორასანის ფრთამ აიღო, ისევე, როგორც მოსკოვში 22 მარტს მომხდარ ტერაქტზე.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა