ბორჯომის მუნიციპალიტეტში, დაბა ბაკურიანში, მთის ფერდობიდან თოვლის მასა ჩამოიშალა. ამის შესახებ ინფორმაციას შინაგან საქმეთა სამინისტროს სგანგებო სიტუაციების მართვის სამსახური ავრცელებს.

საგანგებო სიტუაციების მართვის სამსახურის ცნობით, ზვავში, სავარაუდოდ, მოყოლილია ერთი ადამიანი, რომელსაც მაშველები ეძებენ.

"შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველები და  შესაბამისი დანაყოფების წარმომადგენლები მობილიზებულები არიან ბორჯომის მუნიციპალიტეტში, დაბა ბაკურიანში, სადაც მთის ფერდობიდან ჩამოიშალა თოვლის მასა.

არსებული ინფორმაციით, ზვავში, სავარაუდოდ, მოყოლილია ერთი ადამიანი, რომლის ძებნა-შველის ოპერაციაში ჩართულია სამაშველო დრონები და საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს მაშველები.

ასევე, სამაშველო ოპერაციაში ჩართვის მიზნით, დამატებით სამაშველო ჯგუფთან ერთად, თბილისიდან უკვე გაფრინდა შინაგან საქმეთა სამინისტროს სასაზღვრო პოლიციის ვერტმფრენი",- აღნიშნულია გავრცელებულ ინფორმაციაში.

ავტორი: ექსპრესნიუსი,

სოციალური ქსელები

ბრეგაძე - ევროპარლამენტის რეზოლუციაში წამოყენებული მოთხოვნა გაუმყარებელია - ამას მოწმობს სააკაშვილის წერილი სარჩელის ამორიცხვის თაობაზე

ფილარმონიიდან პარლამენტის მიმართულებით „საყოველთაო სახალხო შეკრების“ მსვლელობა დაიწყო

ცოტნე ივანიშვილი - ყველა ახალგაზრდას მოვუწოდებ, რომ მხარი დაგვიჭირონ

ოხანაშვილმა დარბაზიდან ბოკუჩავა და აქუბარდია გააძევა - სხდომა პროტესტის ნიშნად ნაცვლიშვილმა და მანჯგალაძემ დატოვეს