საქართველოს თავდაცვის სამინისტროში ფრენბურთის ტურნირი დასრულდა. ფინალში თავდაცვის ძალების მე-2 ქვეითი ბრიგადისა და მე-4 ქვეითი ბრიგადის სამხედრო მოსამსახურეები შეხვდნენ.

გამარჯვება მე-4 ქვეითი ბრიგადის გუნდმა მოიპოვა, მე-2 ქვეითი ბრიგადის გუნდი მეორე ადგილს დასჯერდა, ხოლო მესამე ადგილზე მე-5 საარტილერიო ბრიგადა გავიდა. 

ფინალურ თამაშს საქართველოს თავდაცვის მინისტრი ირაკლი ჩიქოვანი, თავდაცვის ძალების მეთაური, გენერალ-მაიორი გიორგი მათიაშვილი და თავდაცვის უწყების ხელმძღვანელი პირები დაესწრნენ.

გამარჯვებულ გუნდს თასი თავდაცვის მინისტრმა გადასცა. სამივე ადგილზე გასული გუნდების წევრები მედლებით დაჯილდოვდნენ; დასახელდნენ ტურნირის საუკეთესო მოთამაშეებიც, რომელთაც საქართველოს ფრენბურთის ეროვნული ფედერაციის წარმომადგენლებმა საჩუქრები გადასცეს. 

თავდაცვის სამინისტროს წარმომადგენლებს შორის ტურნირი ფრენბურთში 5 დღის განმავლობაში მიმდინარეობდა. შეჯიბრებაში თავდაცვის ძალების სახმელეთო ჯარების აღმოსავლეთის, დასავლეთისა და განათლების სარდლობების, ასევე ეროვნული გვარდიისა და თავდაცვის ეროვნული აკადემიის გუნდები მონაწილეობდნენ.

სამხედროებს შორის გამართული სპორტული აქტივობები ჯანსაღი ცხოვრების წესის პოპულარიზაციას უწყობს ხელს. ამ კუთხით უწყებაში სპორტის სხვადასხვა სახეობაში შეჯიბრებები ყოველწლიურად ტარდება.

ინფორმაციას თავდაცვის სამინისტრო ავრცელებს.

ავტორი: NS (სტატია დაფინანსებულია),

სოციალური ქსელები

გვარამია: ხოშტარიას საკითხზე ველოდებით ადეკვატურ გადაწყვეტილებას, წინააღმდეგ შემთხვევაში საპასუხო რეაგირება გვექნება

ევროპულმა სასამართლომ 5 სამოქალაქო ორგანიზაციის დაყადაღების საქმეზე არსებითი განხილვა დაიწყო

პირველი ქართული YouTube ბიზნესშოუ - Punchline Profit მეორე ეპიზოდით გრძელდება

FT: ჰორმუზის სრუტეში ნაოსნობის აღდგენას ნაღმების გამო თვეები დასჭირდება