შპს „თბილსერვის ჯგუფის“ სპეცტექნიკის განახლება გრძელდება. ამის შესახებ ინფორმაციას თბილისის მერია ავრცელებს.

მერიის ცნობით, ამ ეტაპზე ავტოპარკს 18 ერთეული მანქანა შეემატა.

ახალი ტექნიკა, როგორც დასუფთავების, ისე სანიაღვრე ქსელებისა და საგზაო მონიშვნების მიმართულებით გამოიყენება.

სპეცმანქანები „თბილსერვის ჯგუფის“ დირექტორმა, დავით ფაჩულიამ დაათვალიერა.

„აქტიურად ვაგრძელებთ ავტოპარკის განახლებას, იმისათვის, რომ დედაქალაქში ჩვენი მომსახურება და საქმიანობა ყველა მიმართულებით გაუმჯობესდეს. 18 ერთეული სპეცმანქანა გადანაწილებულია დასუფთავების, სანიაღვრე ქსელების, საგზაო მონიშვნებისა და ქონების მართვის სამსახურებზე. წლის ბოლომდე ეტაპობრივად კიდევ 80-ზე მეტი სხვადასხვა ტიპის სპეცტექნიკა მოგვეწოდება“, - აღნიშნა დავით ფაჩულიამ.

18 ერთეული სპეცმანქანის შეძენისთვის „თბილსერვის ჯგუფის“ ბიუჯეტიდან 3 405 949 ლარი გამოიყო.

ავტორი: NS (სტატია დაფინანსებულია),

სოციალური ქსელები

კობახიძე ერდოღანს შეხვდა

საქართველოსა და ნაურუს შორის დიპლომატიური ურთიერთობების დამყარების შესახებ შეთანხმება გაფორმდა

პაპუაშვილი ვიზიტით ბრიუსელში გაემგზავრა

EPP გიორგი ბარამიძის გათავისუფლებას ითხოვს