ადამიანი შექმნა ღმერთმა მამაკაცად და დედაკაცად - პირდაპირ გეტყვით, ვინც დღეს ერიდება ამ თემაზე საუბარს, ჩვეულებრივი გამყიდველია,- ამის შესახებ ბოდბელმა ეპისკოპოსმა, მეუფე იაკობმა საკვირაო ქადაგებისას განაცხადა.

როგორც მეუფე იაკობმა აღნიშნა, პოლიტიკოსებმა უნდა დააფიქსირონ თავიანთი პოზიცია, თუ როგორ უყურებენ აღნიშნულ საკითხს.

"ვაჟი რომ გაგიჩნდება, როგორ გიხარია ქალს ხომ? გოგო რომ გეყოლება, როგორ გიხარია და შემდეგ თურმე, თვითონ ირჩევს, ვინ არის, ბიჭია თუ გოგოა. ამაზე ქართულ საზოგადოებაში დღესვე უნდა შედგეს საუბარი და ეს თემა საერთოდ უნდა დაიხუროს ქართველებისა და საქართველოს მოქალაქეებისთვის იმიტომ, რომ ეს არის უდიდესი სისულელე. სხვა ქვეყნებს თუ მოსწონთ, იყვნენ ასე და ღმერთთან მერე თვითონ აგონ პასუხი და ჩვენ ძველი დროიდან მოყოლებული ვიცით, რომ ადამიანი შექმნა ღმერთმა, მამაკაცად და დედაკაცად შექმნა... რადგან მსოფლიო არეულია და ადრე თუ გვიან ჩვენც მოგვადგებიან, ჩვენც გვეტყვიან, მასე გააკეთეთო, ჩვენ უნდა გადავწყვიტოთ, როგორ და რა გვინდა. მშობლები ხართ და გინდათ ასეთი თავისუფლება?...

ჩვენთანაც და პოლიტიკოსებმა, ეს იქნება დღევანდელი ხელისუფლება, მიშას მომავალში უნდა მოსვლა ხელისუფლებაში, უნდა დააფიქსირონ, თუ როგორ უყურებენ ამას. პირდაპირ გეტყვით, ვინც დღეს ერიდება ამ თემაზე საუბარს, ჩვეულებრივი გამყიდველია... ერთს პოლიტიკაში მოსვლა რომ უნდა, ამ თემაზე რომ წავიდა საუბარი, თქვა, ეს რუსული ნარატივიაო. რუსი და არაქართველი შენ ხარ“,- თქვა მეუფე იაკობმა.

"ექსპრესნიუსი" ემიჯნება ჰომოფობიურ და შეუწყნარებელ განცხადებებს.

ავტორი: ექსპრესნიუსი,

სოციალური ქსელები

თბილისობა წელს 3 და 4 ოქტომბერს ქალაქის ხუთ ლოკაციაზე აღინიშნება

სურსათის ერვონულმა სააგენტომ ბაღების საკვებიდან ამოღებულ არცერთ ნიმუში დარღვევა არ დადასტურდა

ერთმა არასრულწლოვანმა, მოქალაქის კუთვნილი მოტოციკლი, ხოლო მეორემ მიკროავტობუსი გაიტაცა - პოლიციამ ექვსი არასრულწლოვანი დააკავა

საწვავი გაძვირებას განაგრძობს - პრემიუმი - ₾4.09, რეგულარი - ₾3.75, დიზელი - ₾4.87