დროებით ოკუპირებულ აფხაზეთში საქართველოს მოქალაქის ვიტალი (თემურ) კარბაის მკვლელობის საქმეზე გალის რაიონის ე.წ. მილიციის განყოფილების 3 თანამშრომლის წინააღმდეგ სისხლის სამართლის საქმე აღიძრა, მათგან 2 დააკავეს. ამის შესახებ ინფორმაციას ekhokavkaza ოკუპირებული აფხაზეთის ე.წ. პროკურატურაზე დაყრდნობით ავრცელებს.

ე.წ. პროკურატურის ცნობით, ალბერტ ზარაკუას, ვიანორ აბშილავასა და დავით კვეკვესკირის წინააღმდეგ საქმე სისხლის სამართლის კოდექსის ორი მუხლითაა აღძრული - ჯგუფურად განზრახ სხეულის მძიმე დაზიანების მიყენებისა და ძალადობის გამოყენებით სამსახურებრივი უფლებამოსილების ბოროტად გამოყენების მუხლებით.

ე.წ. პროკურატურის მტკიცებით, 2023 წლის 6 დეკემბერს დავით კვეკვესკირმა ალკოჰოლური თრობის ქვეშ მყოფი თემურ კარბაია იძულებით მიიყვანა გალის ე.წ. მილიციის განყოფილებაში და მოწმეების არყოფნის პირობებში უკანონოდ გაჩხრიკა.

"შემოწმების ბოლოს კარბაიამ კვეკვესკირის მიმართ უცენზურო სიტყვები გამოიყენა, რის შემდეგაც კვეკვესკირმა მას ფიზიკური შეურაცხყოფა მიაყენა. ამ დროს სამორიგეო განყოფილებაში შევიდნენ ზარაკუა და აბშილავა, რომლებიც კვეკვესკირთან ერთად, კარბაიას ფიზიკურად გაუსწორდნენ. ის სხეულის სხვადასხვა ნაწილზე მუშტებითა და ფეხებით სცემეს, რის შედეგადაც კარბაიას სხეულის დაზიანებები მიაყენეს. მან გულმკერდის არეში მიიღო ტრავმა, ოთხი ნეკნის მოტეხილობა, დაკავებულს ჰქონდა მარჯვენა თვალის ზედა და ქვედა ქუთუთოების სისხლჩაქცევები",- ნათქვამია ე.წ. პროკურატურის განცხადებაში.

მათივე ცნობით, კარბაია ცემის შემდეგ, კანონიერი საფუძვლის გარეშე, გადაიყვანეს დროებითი მოთავსების იზოლატორში, საიდანაც 7 დეკემბერს გაათავისუფლეს.

ე.წ. პროკურატურის ინფორმაციით, მიმდინარე წლის 10 თებერვალს ე.წ. შინაგან საქმეთა სამინისტროს გალის განყოფილების თანამშრომლები ზარაქუა და აბშილავა დააკავეს.

"ეჭვმიტანილი კვეკვესკირი დ.ბ. არ გამოცხადდა, მისი ადგილსამყოფელი უცნობია“,- აცხადებენ ე.წ. პროკურატურაში.

ავტორი: ექსპრესნიუსი,

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა