ივანიშვილი - სამძიმარს ვუცხადებ ვაჟა აზარაშვილის ოჯახს, ახლობლებს, მეგობრებს, კოლეგებს და სრულიად კულტურის სფეროს ამ დანაკარგის გამო

2024-02-07 18:15:05, 791 ნახვა

საზოგადოება

"ქართული ოცნების" საპატიო თავმჯდომარე ბიძინა ივანიშვილი კომპოზიტორ ვაჟა აზარაშვილის გარდაცვალების გამო მწუხარებას გამოთქვამს.

ივანიშვილის სამძიმრის წერილს მმართველი პარტიის პრესსამსახური სოციალურ ქსელში ავრცელებს.

"მწუხარებას გამოვთქვამ საქართველოს ხელოვნების დამსახურებული მოღვაწის, საქართველოს სახალხო არტისტის, ღირსების ორდენის კავალერის და თბილისის საპატიო მოქალაქის, ვაჟა აზარაშვილის გარდაცვალების გამო.

ვაჟა აზარაშვილი, თავისი უკვდავი კომპოზიციების წყალობით, ქართული საზოგადოების არაერთმა თაობამ შეიყვარა და მას საპატიო ადგილი აქვს დამკვიდრებული ქართულ კულტურაში.

სამძიმარს ვუცხადებ დიდი კომპოზიტორის ოჯახს, ახლობლებს, მეგობრებს, კოლეგებს და სრულიად კულტურის სფეროს ამ დანაკარგის გამო",- აღნიშნულია ივანიშვილის სამძიმრის წერილში, რომელიც "ქართული ოცნების" "ფეისბუქის" გვერდზე გავრცელდა.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),