კასპის მუნიციპალიტეტში, „სოფლის მხარდაჭერის პროგრამის“ ფარგლებში მოსახლეობასთან შეხვედრები გრძელდება

2024-02-07 11:26:43, 1151 ნახვა

რეგიონი

კასპის მუნიციპალიტეტში, "სოფლის მხარდაჭერის პროგრამის“ ფარგლებში სოფლის კრებები და კონსულტაციები გრძელდება.

კასპის მერიის ცნობით, პროგრამის ფარგლებში მოსახლეობასთან შეხვედრები კასპის მუნიციპალიტეტის მერმა, ვახტანგ მაისურაძემ და საკრებულოს თავმჯდომარემ, შოთა ბეგლარაშვილმა ადგილობრივი თვითმმართველობის წარმომადგენლებთან ერთად, წინარეხის ადმინისტრაციულ ერთეულში შემავალ სოფლებში გამართეს.

"სოფლის მაცხოვრებლებმა შეხვედრებზე საპროექტო წინადადებები დაასახელეს და შემდეგ განსახორციელებელი პროექტებიც შეარჩიეს.

შეხვედრაზე ადგილობრივებმა და ხელისუფლების წარმომადგენლებმა სოფლის სხვა საჭიროებებსა და მათ განხორციელებაზეც იმსჯელეს.

მოსახლეობის მიერ დასახელებული პრიორიტეტული საკითხები მიმდინარე წლის ბოლომდე "სოფლის პროგრამის" მიერ გამოყოფილი თანხითა და მუნიციპალიტეტის ბიუჯეტის თანადაფინანსებით განხორციელდება",- ნათქვამია მერიის ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),