2024-01-29 21:23:54, 1095 ნახვა
მსოფლიო
ლოიდ ოსტინი - აშშ თავისი ჯარების დასაცავად ყველა საჭირო ზომას მიიღებს
აშშ თავისი ჯარების დასაცავად ყველა საჭირო ზომას მიიღებს, - ამის შესახებ აშშ-ის თავდაცვის მდივანმა, ლოიდ ოსტინმა განაცხადა.
როგორც აშშ-ის თავდაცვის უწყების ხელმძღვანელმა აღნიშნა, ის აშშ-ის პრეზიდენტთან ერთად არ აპირებს სამხედრო ძალებზე თავდასხმები მოითმინოს.
"პრეზიდენტი და მე არ მოვითმენთ აშშ-ის ძალებზე თავდასხმებს და მივიღებთ ყველა საჭირო ზომას აშშ-ისა და ჩვენი ჯარების დასაცავად", - განაცხადა ლოიდ ოსტინმა.
ცნობისთვის, 28 იანვარს, იორდანიაში, სირიის საზღვართან ახლოს, შეერთებული შტატების სამხედრო ბაზაზე დრონით თავდასხმა განხორციელდა.
მომხდარის შედეგად სამი ამერიკელი ჯარისკაცი დაიღუპა, 34 კი დაშავდა.
ავტორი: ექსპრესნიუსი,
epn.ge (@expressnews.ge)
