ტერორისტული დაჯგუფება "ჰამასის“ ტყვეობიდან გათავისუფლებული მძევლები დავოსში გაეროს გენერალურ მდივანს, ანტონიო გუტიერეშს შეხვდნენ. აღნიშნულის შესახებ ინფორმაციას The Times Of Israel-ი ავრცელებს

როგორც გუტიერეშმა ტყვეობიდან გათავისუფლებულ მძევლებს განუცხადა, იგი ყველა დარჩენილი მძევლის დაუყოვნებლივ გათავისუფლებასა და „ჰამასის“ მიერ ჩადენილი სექსუალური დანაშაულების გამოძიებას მოითხოვს.

The Times Of Israel-ის ცნობით, „ჰამასის“ ტყვეობიდან გათავისუფლებული მძევლები დავოსის მსოფლიო ეკონომიკური ფორუმის ფარგლებში, ტექნოლოგიური და ბიზნესის სფეროს წარმომადგენლებსაც შეხვდნენ.

შეგახსენებთ, 24 ნოემბერს, ისრაელსა და „ჰამასს“ შორის 4-დღიანი ცეცხლის შეწყვეტის შეთანხმება ამოქმედდა. მანამდე, 21 ნოემბერს, ორ მხარეს შორის გაიმართა მოლაპარაკება, რომლის მიხედვითაც, 4 დღის განმავლობაში, 50 მძევალი 150 პალესტინელი პატიმრის სანაცვლოდ უნდა გათავისუფლებულიყო.

მას შემდეგ, რაც ისრაელსა და "ჰამასს" შორის ცეცხლის შეწყვეტის შეთანხმება ამოქმედდა, ტერორისტული დაჯგუფების მიერ 7 ოქტომბერს, ღაზას სექტორში გატაცებული მძევლებისა და ისრაელის მიერ პალესტინელი პატიმრების გათავისუფლების რამდენიმე რაუნდი შედგა.

ავტორი: ექსპრესნიუსი,

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა