ამერიკის შეერთებული შტატების თავდაცვის მდივან ლოიდ ოსტინსა და ისრაელის თავდაცვის მინისტრ იოავ გალანტს შორის სატელეფონო საუბარი შედგა. ამის შესახებ პენტაგონის განცხადებაშია აღნიშნული.

პენტაგონის ცნობით, ოსტინმა და გალანტმა რეგიონული უსაფრთხოების საკითხები და ისრაელის სამხედრო კამპანია განიხილეს.

„მხარეებმა განიხილეს ისრაელის სამხედრო კამპანია ღაზაში და მზადება სტაბილიზაციის ეტაპისთვის, რომელიც მოჰყვება ძირითად საბრძოლო ოპერაციებს“, - ნათქვამია განცხადებაში.

ამასთან, როგორც განცხადებაში ვკითხულობთ, ლოიდ ოსტინმა კიდევ ერთხელ აღნიშნა აშშ-ის გადაწყვეტილება, უზრუნველყოს, რომ ტერორისტული დაჯგუფება „ჰამასი“ აღარ დაემუქრება ისრაელის უსაფრთხოებას.

გარდა ამისა, საუბრისას აშშ-ის თავდაცვის მდივანმა ხაზი ღაზას მშვიდობიანი მოსახლეობის დაცვისა და ჰუმანიტარული დახმარების დაჩქარების მნიშვნელობასაც გაუსვა.

ავტორი: ექსპრესნიუსი,

სოციალური ქსელები

პაპუაშვილი – ე.წ. უწყვეტი პროტესტი მიმართულია იქითკენ, თავის თავს რაღაცნაირად დააჯერონ, რომ არსებობენ

ევროკავშირი სინანულს გამოთქვამს უსაფრთხოების მიზეზით გორში ფესტივალ კამარას გადადების გამო

არაგვზე ხიდის მშენებლობის გამო, სად შეიზღუდება წყალმომარაგება 36 საათით - GWP-ს განცხადება

მათიკაშვილი - პირდაპირი მსგავსებაა სექტანტურ მიმდინარეობასა და იმ ე.წ. პროტესტს შორის, რომელიც საქართველოში მიმდინარეობს