სერბეთში, გასულ კვირას ჩატარებული არჩევნების შედეგების გაუქმებისა და კენჭისყრის ხელახალი ჩატარების მოთხოვნით გამართულ საპროტესტო აქციაზე ათასობით ადამიანი შეიკრიბა. აღნიშნულის შესახებ ინფორმაციას BBC ავრცელებს.

BBC-ის ცნობით, მომიტინგეებმა, ოპოზიციური პარტიის - „სერბეთი ძალადობის წინააღმდეგ“ - მხარდამჭერებმა მერიის შენობაში შეჭრა სცადეს.

როგორც მედიასაშუალება წერს, სამართალდამცავებმა მომიტინგეების შესაჩერებლად ე.წ. წიწაკის სპრეი გამოიყენეს.

დემონსტრანტების თქმით, არჩევნები უსამართლოდ ჩატარდა, მისი შედეგები კი არალეგიტიმურია.

აღსანიშნავია, რომ მომხდარს გამოეხმაურა სერბეთის პრეზიდენტი ალექსანდრ ვუჩიჩი და განაცხადა, რომ ბრალდებები სიცრუეა.

მისივე თქმით, დემონსტრანტები "ავაზაკები" არიან და სახელმწიფოს დესტაბილიზაციას ვერ მიაღწევენ.

შეგახსენებთ, რომ გასულ კვირას სერბეთში ვადამდელი საპარლამენტო და ადგილობრივი არჩევნები გაიმართა, რომელშიც ალექსანდრ ვუჩიჩის „სერბეთის პროგრესულმა პარტიამ“ გაიმარჯვა, 

ადგილობრივმა და საერთაშორისო დამკვირვებლებმა არჩევნებზე დარღვევები დააფიქსირეს, მათ შორის ამომრჩეველთა მოსყიდვა, ადმინისტრაციული რესურსების არასწორი გამოყენება და ა.შ.

აღნიშნულ შედეგებს გამოეხმაურა ეუთოს სადამკვირვებლო მისიის ხელმძღვანელი რაინგოლდ ლოპატკაც და განაცხადა, რომ ჩატარებულ ვადამდელ საპარლამენტო არჩევნებზე მმართველ პარტიას არასამართლიანი უპირატესობა ჰქონდა.

ავტორი: ექსპრესნიუსი,

სოციალური ქსელები

ასტრახანის მახლობლად, „გაზპრომის“ ქარხანას დრონებით თავდასხმის დროს ცეცხლი გაუჩნდა

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან

მსოფლიო პატრიარქის გულისამაჩუყებელი მიმართვა საქართველოს ახალი პატრიარქისადმი