ჩეხეთში 23 დეკემბერი ეროვნული გლოვის დღედ გამოცხადდა. ამის შესახებ ჩეხეთის პრემიერ-მინისტრმა, პეტრ ფიალამ მთავრობის რიგგარეშე სხდომის შემდეგ განაცხადა.

პრემიერის თქმით, გლოვის დღეს სახელმწიფო შენობებზე ჩეხეთის დროშა დაეშვება.

"მოვუწოდებთ ჩეხეთის რესპუბლიკის ყველა მოქალაქეს, ეროვნული გლოვის დღეს, 12:00 საათზე, წუთიერი დუმილით პატივი მიაგონ დაღუპულთა ხსოვნას",- განაცხადა ფიალამ.

მთავრობის რიგგარეშე სხდომას, მინისტრების გარდა, ესწრებოდა ქვეყნის პრეზიდენტი პეტრ პაველი, რომელმაც მომხდარის გამო, საფრანგეთში ვიზიტი შეწყვიტა და ჩეხეთში დაბრუნდა.

პაველმა პრესკონფერენციაზე მოუწოდა მოქალაქეებს, რომ მომხდარი ტრაგიკული შემთხვევა პოლიტიკური მიზეზებისთვის ბოროტად არ გამოიყენონ და დეზინფორმაცია არ გაავრცელონ.

"ჩვენ, უპირველეს ყოვლისა, გვჭირდება ღვთისმოსაობა, თავშეკავება და თანმიმდევრულობა. ეს თავშეკავება შესაძლებელს გახდის ყველაფრის დეტალურად გამოკვლევას. ამავდროულად, ჩვენ უნდა ვიპოვოთ გონივრული გამოსავალი ამ სიტუაციაში, როგორ ავიცილოთ თავიდან მსგავსი სიტუაციები მომავალში, თუ ეს შესაძლებელი იქნება",-  თქვა ჩეხეთის პრეზიდენტმა.

შეგახსენებთ, გუშინ, 21 დეკემბერს ჩეხეთის დედაქალაქ პრაღაში, კარლის უნივერსიტეტში შეიარაღებულმა პირმა ცეცხლი გახსნა, რასაც 14 ადამიანის სიცოცხლე ემსხვერპლა. შემთხვევის შედეგად დაშავებულია 25 პირი, მათ შორის 10-ის მდგომარეობა მძიმეა.

ავტორი: ექსპრესნიუსი,

სოციალური ქსელები

პუტინის სპეციალური წარმომადგენელი უკრაინასთან დაკავშირებული მოლაპარაკებებისთვის თითქმის ერთი წლის შემდეგ პირველად აშშ-ში ჩავიდა

რეჟიმის წარმომადგენელი პაპუაშვილი გორში ფესტივალის გაუქმების დაგმობის გამო, ევროკავშირს თავს ლუქსემბურგიდან ესხმის

პაპუაშვილი – ე.წ. უწყვეტი პროტესტი მიმართულია იქითკენ, თავის თავს რაღაცნაირად დააჯერონ, რომ არსებობენ

ევროკავშირი სინანულს გამოთქვამს უსაფრთხოების მიზეზით გორში ფესტივალ კამარას გადადების გამო