2023-12-22 09:22:35, 849 ნახვა
მსოფლიო
გაეროს სპიკერი - ღაზაში ნახევარ მილიონზე მეტი ადამიანი კატასტროფული შიმშილის წინაშე დგას
ღაზაში ნახევარ მილიონზე მეტი ადამიანი კატასტროფული შიმშილის წინაშე დგას,- ამის შესახებ გაერთიანებული ერების ორგანიზაციის სპიკერი სტეფან დუჟარიკი აცხადებს.
როგორც სპიკერი ამბობს, ღაზას სექტორში უკვე რვა დღეა, ტელეკომუნიკაცია შეფერხებულია, რის გამოც ბევრი ადამიანი ევაკუაციის შესახებ ინფორმაციას ვერ იღებს.
"დღეს გამოქვეყნებული სურსათის უსაფრთხოების ანალიზის მიხედვით, ნახევარ მილიონზე მეტი ადამიანი ღაზაში კატასტროფული შიმშილის წინაშე დგას. მსოფლიო სასურსათო პროგრამა აფრთხილებს, რომ მწვავე სასურსათო დაუცველობის ეს დონე უპრეცედენტოა უახლეს ისტორიაში და რომ ღაზაში ხალხს შიმშილობა ემუქრება",- განაცხადა გაეროს სპიკერმა და ცეცხლის შეწყვეტასთან დაკავშირებით მოწოდება კიდევ ერთხელ გაიმეორა.
ავტორი: ექსპრესნიუსი,
epn.ge (@expressnews.ge)
