2023-12-20 11:38:57, 1027 ნახვა
მსოფლიო
ჩინეთში მიწისძვრის შედეგად დაღუპულთა რიცხვი 131-მდე გაიზარდა - დაშავებულია 980 ადამიანი
ჩინეთში მომხდარი მიწისძვრის შედეგად დაღუპულთა რიცხვი 131-მდე გაიზარდა, 980 ადამიანი კი დაშავებულია. აღნიშნულის შესახებ ინფორმაციას Sky News-ი ავრცელებს.
Sky News-ის ცნობით, ამ დრომდე დაკარგულად ითვლება კიდევ 16 ადამიანი.
მედიის ცნობითვე, მიწისძვრის შედეგად დაზიანებულია წყლისა და ელექტროენერგიის გადამცემი ხაზები, ასევე სატრანსპორტო და საკომუნიკაციო ინფრასტრუქტურა. სამაშველო სამუშაოები ამ დრომდე გრძელდება.
შეგახსენებთ, ჩინეთში, განსუს პროვინციაში 6.2 მაგნიტუდის მიწისძვრა გუშინ, 18 დეკემბერს მოხდა.
ავტორი: ექსპრესნიუსი,
epn.ge (@expressnews.ge)
