G7-ის ოფიციალურმა პირებმა ბოლო კვირებში გაააქტიურეს მოლაპარაკებები რუსეთის გაყინული სუვერენული აქტივების დაახლოებით 300 მილიარდი დოლარის კონფისკაციაზე. ეს არის რადიკალური ნაბიჯი, რომელმაც შესაძლოა ახალი თავი გახსნას დასავლეთის ფინანსურ ომში მოსკოვის წინააღმდეგ, წერს Financial Times.

აღნიშნულია, რომ რუსული აქტივების გამოყენებამ შეიძლება უზრუნველყოს უკრაინის დაფინანსების ალტერნატიული ნაკადი, განსაკუთრებით ომის შემდგომი რეკონსტრუქციის მოსალოდნელი უზარმაზარი ხარჯების გათვალისწინებით. თუმცა, დიდი შვიდეულის მთავრობების უმეტესობა ყოყმანობდა ამ ნაბიჯის გადადგმაზე, ზოგიერთი უცხოელი ინვესტორის ნდობის დაკარგვის შიშით.

შეერთებულმა შტატებმა არასოდეს დაუჭირა მხარი საჯაროდ კონფისკაციას, მაგრამ ბოლო კვირებში უფრო მტკიცე პოზიცია დაიკავა. G7 კომიტეტებში ვაშინგტონის წარმომადგენლები ამტკიცებდნენ, რომ არსებობდა გზა აქტივების კონფისკაციისკენ, რომელიც შეესაბამებოდა საერთაშორისო კანონმდებლობას.

„დიდი შვიდეულის წევრებმა და სხვა განსაკუთრებით დაზარალებულმა ქვეყნებმა შეიძლება ჩამოართვან რუსეთის სუვერენული აქტივები, როგორც საპირისპირო ღონისძიება, რათა აიძულონ რუსეთი შეწყვიტოს თავისი აგრესია“, - ნათქვამია აშშ-ს მთავრობაში ჟურნალისტების მიერ განხილულ სადისკუსიო დოკუმენტში.

ერთ-ერთმა ამერიკელმა ოფიციალურმა პირმა განაცხადა, რომ ვაშინგტონი აწარმოებს აქტიურ მოლაპარაკებებს რუსეთის სუვერენული აქტივების გამოყენებაზე და მიაჩნია, რომ გადაწყვეტილების მისაღებად მოკლე დროა. ვარაუდობენ, რომ დისკუსია შეიძლება მოხდეს G7-ის ლიდერების შეხვედრაზე, რომელიც დაემთხვევა უკრაინაში რუსეთის სრულმასშტაბიანი შემოჭრის მეორე წლისთავს.

აქტივების გამოყენების შესახებ მოწოდებები უფრო ხმამაღალი გახდა, რადგან გაჩნდა ბზარები უკრაინის დამატებითი დაფინანსების შესახებ პოლიტიკურ კონსენსუსში, აშშ-სა და ევროკავშირის 60 მილიარდი და 50 მილიარდი ევროს დახმარების პაკეტები ჯერ კიდევ არ არის დამტკიცებული, დასძენს FT.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო