აშშ-ში ოფიციალური ვიზიტის ფარგლებში, საქართველოს გენერალური პროკურორი ირაკლი შოთაძე და იუსტიციის მინისტრი რატი ბრეგაძე აშშ-ის გენერალურ პროკურორს, მერიკ გარლანდს და გენერალური პროკურორის მოადგილეს, ბრიუს შვარცს შეხვდნენ. აღნიშნულის შესახებ ინფორმაციას საქართველოს გენერალური პროკურატურა ავრცელებს.

გენპროკურატურის ცნობით, შეხვედრას აშშ-ში საქართველოს ელჩი დავით ზალკალიანი, გენერალური პროკურორის მოადგილე ნათია მერებაშვილი, პროკურატურის საერთაშორისო ურთიერთობებისა და სამართლებრივი უზრუნველყოფის დეპარტამენტის უფროსი ირაკლი ჩილინგარაშვილი, იუსტიციის მინისტრის მოადგილე ბექა ძამაშვილი და იუსტიციის სახელმწიფო დეპარტამენტის მრჩეველი სამართლებრივ საკითხებში ლენა ოუენსი ესწრებოდნენ.

“შეხვედრაზე მხარეებმა ორ სახელმწიფოს შორის სისხლის სამართლის სფეროში თანამშრომლობის საკითხები განიხილეს. ირაკლი შოთაძემ ამერიკელ კოლეგას მადლობა გადაუხადა საქართველოს პროკურატურის რეფორმირებისა და განვითარების პროცესში ამერიკის შეერთებული შტატების შესაბამისი უწყებების მიერ შეტანილი წვლილისთვის და გაწეული დახმარებისთვის.

აშშ-ის გენერალურმა პროკურორმა, თავის მხრივ, ხაზი გაუსვა აშშ-სა და საქართველოს კომპეტენტური უწყებების მიერ განხორციელებული ერთობლივი ძალისხმევის ეფექტიანობას, დანაშაულთან ბრძოლის, მათ შორის ტრანსნაციონალური ორგანიზებული დანაშაულების გამოძიებების მიმართულებით.

შეხვედრის დასასრულს მხარეები მომავალში აქტიური თანამშრომლობის გაგრძელებაზე შეთანხმდნენ", - აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

არაგვზე ხიდის მშენებლობის გამო, სად შეიზღუდება წყალმომარაგება 36 საათით - GWP-ს განცხადება

მათიკაშვილი - პირდაპირი მსგავსებაა სექტანტურ მიმდინარეობასა და იმ ე.წ. პროტესტს შორის, რომელიც საქართველოში მიმდინარეობს

ბოჭორიშვილი: საქართველო მტკიცედ დგას უკრაინელი ხალხის გვერდით

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები