|
2023-12-07 11:18:28, 880 ნახვა
ეკონომიკა
იური ნოზაძე საქართველო-ჩინეთის სინძიანის პროდუქციის რიგით მე-9 გამოფენის გახსნის ღონისძიებას დაესწრო
გარემოს დაცვისა და სოფლის მეურნეობის მინისტრის მოადგილე იური ნოზაძე საქართველო-ჩინეთის სინძიანის პროდუქციის რიგით მე-9 გამოფენის გახსნის ღონისძიებას დაესწრო. იური ნოზაძემ საქართველოსა და ჩინეთს შორის მჭიდრო ურთიერთობებზე გაამახვილა ყურადღება, გამოფენის მონაწილეებს წარმატებები უსურვა და ბიზნესკავშირების დამყარებისთვის მსგავსი ღონისძიებების მნიშვნელობას გაუსვა ხაზი. „საქართველო რეგიონში პირველი ქვეყანაა, რომელმაც ჩინეთთან თავისუფალი ვაჭრობის შესახებ შეთანხმება გააფორმა, რაც კიდევ უფრო მეტ სტიმულს აძლევს მეწარმეებს, იმპორტიორებსა და ექსპორტიორებს; ამასთან, ზრდის საქართველოში საინვესტიციო გარემოს მიმზიდველობას. ჩვენი სამინისტროს მხარდაჭერით, ქართველი მეწარმეები ჩინეთის ყველა მნიშვნელოვანი სასოფლო-სამეურნეო პროდუქციის, ღვინისა და ალკოჰოლური სასმელების საერთაშორისო გამოფენებში მონაწილეობენ, რაც კავშირების გამყარებას უწყობს ხელს. აღნიშნული გამოფენა ასევე მნიშვნელოვანი ხელშემწყობი იქნება როგორც ქვეყნებს შორის ურთიერთობების გაღრმავების, ასევე სხვადასხვა მიმართულებით წარმატებული თანამშრომლობისთვის“, - აღნიშნა იური ნოზაძემ. გამოფენის მონაწილეებს მისასალმებელი სიტყვით მიმართეს ჩინეთის სინძიან-უიგურის ავტონომიური რეგიონის მთავრობის მეთაურის მოადგილე კაიზაიერ აბუდუკერემუმ და ჩინეთის სახალხო რესპუბლიკის ელჩმა, ჭოუ ციენიმ. აღინიშნა, რომ ჩინეთსა და საქართველოს შორის სავაჭრო-ეკონომიკური ურთიერთობების ძალიან ძლიერი საფუძველი არსებობს. აბრეშუმის გზით დაწყებული მეგობრობა, დღეს უკვე ახალ სიმაღლეებს აღწევს. მსგავსი გამოფენები ხელს უწყობს ინიციატივით - „ერთი სარტყელი ერთი გზა“ შექმნილი შესაძლებლობების მაქსიმალურ გამოყენებას, ორმხრივი კავშირების გაღრმავებას, რაც ბიძგს აძლევს ჩვენი ქვეყნების ეკონომიკურ განვითარებას და ზრდას. ქვეყნებს შორის გააქტიურებული ურთიერთობები და თანამშრომლობა, აუცილებლად მოიტანს კარგ შედეგებს. ღონისძიებას სინძიანის საერთაშორისო ვაჭრობის ხელშეწყობის საბჭოს და საქართველოს სავაჭრო-სამრეწველო ეროვნული პალატის წარმომადგენლები ესწრებოდნენ. „საქართველო-ჩინეთის სინძიანის პროდუქციის რიგით მე-9 გამოფენა“ 6-8 დეკემბერს, გამოფენების ცენტრის „ექსპოჯორჯია“ მე-4 და მე-5 პავილიონებში ტარდება. გამოფენაზე წარმოდგენილია ჩინეთის სინძიანის რეგიონში წარმოებული პროდუქცია: ღვინო და ალკოჰოლური სასმელები, ხილის წვენები, მშრალი ხილი, სუნელები, ტექსტილი და მსუბუქი მრეწველობის პროდუქცია, სასუქები და სხვა. ინფორმაციას გარემოს დაცვისა და სოფლის მეურნეობის სამინისტრო ავრცელებს.
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
სასტუმროში მომხდარი დაპირისპირების საქმეზე სასამართლომ ექვსი პირი დამნაშავედ ცნო საზოგადოებრივი უსაფრთხოების დარღვევაში, პანიკის გავრცელებასა და ადამიანების სიცოცხლისთვის საფრთხის შექმნაში. თავდაპირველად თითოეულ მათგანს ექვსთვიანი პატიმრობა, 300 ათასი დირ
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



