"გირჩი - მეტი თავისუფლებისა" და "დროას" თავმჯდომარეებმა - ელენე ხოშტარიამ და ზურაბ ჯაფარიძემ საზოგადოებას კამპანიის "საარჩევნო ყუთი შენ ქალაქში" მიმდინარეობა გააცნეს. 

როგორც ხოშტარიამ და ჯაფარიძემ ცოტა ხნის წინ გამართულ ბრიფინგზე განაცხადეს, 2024 წლის არჩევნებისთვის, საარჩევნო უბნების გასახსნელად 14 ქალაქში ხელმოწერების შეგროვება დაწყებულია.

"2024 წლის არჩევნებში ემიგრანტების მონაწილეობისთვის აშშ-ის, გერმანიის, საფრანგეთის, იტალიის, ირლანდიის, კანადის და ბელგიის 14 ქალაქში, "გირჩი-დროას" ორგანიზებით, უკვე დაიწყო მოქალაქეთა მობილიზაცია და გროვდება ხელმოწერები საგარეო საქმეთა სამინისტროსა და ცესკოსთვის მისამართად, რათა აღნიშნულ ქალაქებში გაიხსნას საარჩევნო უბნები. ცინცინატში (აშშ) 50 ხელმოწერა უკვე შეგროვებულია და განცხადებაც მზადაა.

"გირჩი-დროას" გუნდი მივმართავთ ამ ქალაქებში მცხოვრებ საქართველოს მოქალაქეებს, დაგვიკავშირდნენ, რათა დავეხმაროთ ადგილზე ხელმოწერებისა და განცხადებების ორგანიზებაში ჩართულ ადამიანებთან დაკავშირებაში. 

ასევე, მივმართავთ უცხოეთის სხვა ქალაქებში მცხოვრებ ჩვენ თანამოქალაქეებს, დაგვიკავშირდით, რათა საარჩევნო უბანი თქვენს ქალაქშიც გაიხსნას",- აცხადებენ ლიდერები.

ქალაქების სრული ჩამონათვალი, რომლებშიც საარჩევნო უბნის გასახსნელად დაწყებულია ხელმოწერების შეგროვება:

1. აშშ - ფილადელფია
2. აშშ - ცინცინატი
3. აშშ - მაიამი
4. აშშ - ჩიკაგო
5. კანადა - ტორონტო
6. ბელგია - ანტვერპენი 
7. გერმანია - კარლსრუე
8. საფრანგეთი - სტრასბურგი
9. იტალია - ლეჩე
10. ირლანდია - ლიმერიკი
11. გერმანია - ჰამბურგი
12. საფრანგეთი - სან-ბრიო
13. იტალია - მანტუა
14. აშშ - ლოს-ანჯელესი

ავტორი: ექსპრესნიუსი,

სოციალური ქსელები

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს

რუსეთის ირკუტსკისრეგიონში ჭირის ინფექციის გამო საავადმყოფოში თითქმის 200 ადამიანია მოთავსებული

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა