ამერიკის შეერთებული შტატები მუშაობს კიევთან, რათა უკრაინა მოსალოდნელი ზამთრის თავდასხმისთვის მოემზადოს,- ამის შესახებ თეთრი სახლის ეროვნული უსაფრთხოების სპიკერმა, ჯონ კირბიმ განაცხადა.

როგორც კირბიმ პრესკონფერენციაზე აღნიშნა, შეერთებულ შტატებს აქვს მოლოდინი, რომ რუსეთი ზამთარში უკრაინის კრიტიკული ენერგეტიკული ინფრასტრუქტურის განადგურებას შეეცდება.

მისივე თქმით, აშშ მუშაობს უკრაინისთვის, მათ შორის, საჭირო დახმარების უზრუნველსაყოფად, რათა მოსახლეობა ელექტროენერგიით უზრუნველყოფილი იყოს.

"მრავალი თვის განმავლობაში ვმუშაობდით ჩვენს უკრაინელ პარტნიორებთან, რათა მომზადებული ვყოფილიყავით ამ საგანგებო სიტუაციისთვის. როგორც გახსოვთ, ეს იყო განხილვის მთავარი თემა, როდესაც უკრაინის პრეზიდენტი ვოლოდიმირ ზელენსკი სექტემბერში თეთრ სახლს ეწვია.

ამ ზამთრამდე პრეზიდენტმა, ჯო ბაიდენმა და ეროვნული უსაფრთხოების საკითხებში მრჩეველმა, ჯეიკ სალივანმა დაავალეს შეერთებული შტატების მთავრობას, ისევე როგორც შარშან, წელსაც პრიორიტეტი ამ ძალისხმევისთვის მიენიჭებინათ",- განაცხადა კირბიმ.

ავტორი: ექსპრესნიუსი,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით