2023-11-29 14:27:41, 720 ნახვა

---

კობახიძე ენმ-ზე - უკვე 8 არჩევნები წააგეს და აუცილებლად წააგებენ მე-9, მე-10 და გარანტირებულად მე-11 არჩევნებსაც

2012 წლიდან მოყოლებული, "ნაცმოძრაობა", მათ შორის, კოლექტიური "ნაცმოძრაობა", გამუდმებით საუბრობს იმაზე, რომ იგებენ არჩევნებს, მარცხდება "ქართული ოცნება", თუმცა, მათ უკვე 8 არჩევნები წააგეს და აუცილებლად წააგებენ მე-9, მე-10 და ასევე გარანტირებულად მე-11 არჩევნებს,- ამის შესახებ პარტია "ქართული ოცნების" თავმჯდომარემ, ირაკლი კობახიძემ ჟურნალისტებს განუცხადა.

კობახიძის თქმით, მხარდამჭერების იმედგაცრუებამ ენმ-ის რეიტინის შემცირება გამოიწვია.

"ყოველი არჩევნების წინ ისინი არწმუნებენ საკუთარ მხარდამჭერებს, რომ მოიგებენ, თუმცა, შემდეგ იწვევენ ამომრჩევლებში იმედგაცრუებას. ამით, ალბათ, მათი მხარდამჭერებიც დაიღალნენ და ერთ-ერთი მიზეზი, რატომაც მათი რეიტინგი შემცირებულია, არის სწორედ ეს იმედგაცრუება. უკვე მათ მხარდამჭერებსაც აღარ სჯერათ კოლექტიური "ნაცმოძრაობის" გამარჯვების, იმდენჯერ მოატყუეს. 8-ჯერ მოატყუეს, რომ იგებდნენ არჩევნებს და 8-ჯერ წააგეს. რა თქმა უნდა, მეცხრედაც აუცილებლად წააგებენ შემდეგ არჩევნებს",- თქვა კობახიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი