ამერიკული სამხედრო თვითმფრინავი, რომლის ბორტზეც 8 ადამიანი იმყოფებოდა, იაპონიასთან ახლოს, ოკეანეში ჩამოვარდა. ამის შესახებ ინფორმაციას BBC ავრცელებს.

როგორც BBC-ის იაპონიის სანაპირო დაცვამ განუცხადა, ადგილობრივმა მეთევზეებმა ერთი ადამიანი იპოვეს, თუმცა მისი მდგომარეობა უცნობია.

ავიაკატასტროფა კაგოშიმას პრეფექტურის კუნძულ იაკუშიმასთან ახლოს მოხდა. სამხედრო თვითმფრინავი იოკოტას საჰაერო ბაზას ეკუთვნოდა და ქალაქ ოკინავას მიმართულებით მიფრინავდა.

Reuters-ი ციტირებს იაპონიის ოფიციალურ პირებს, რომლებიც აცხადებენ, რომ თვითმფრინავი რადარებიდან ადგილობრივი დროით 14:40 საათზე გაუჩინარდა, შვიდი წუთის შემდეგ კი, სანაპირო დაცვამ მიიღო შეტყობინება, რომელშიც ნათქვამი იყო, რომ თვითმფრინავი ჩამოვარდა.

შემთხვევის ადგილზე ნავები და ვერტმფრენები გაიგზავნა და მიმდინარეობს სამაშველო ღონისძიება. 

ავტორი: ექსპრესნიუსი,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით