საქართველოს მთავრობის მიერ მიღებული გადაწყვეტილებით, თხილის წარმოების ხელშემწყობი პროგრამა 2024 წელსაც განხორციელდება. ეს პროგრამა მნიშვნელოვანია მცირე ფერმერებისთვის, როგორც მოსავლიანობის გაზრდისთვის, ასევე უკეთესი ხარისხის თხილის მისაღებად, - ამის შესახებ ჟურნალისტებთან, გარემოს დაცვისა და სოფლის მეურნეობის მინისტრმა ოთარ შამუგიამ განაცხადა.

მისივე თქმით, პროგრამა პირველად 2023 წელს განხორციელდა და მთელი ქვეყნის მასშტაბით 44,000 ჰექტარზე მეტი თხილის ბაღი დარეგისტრირდა თხილის კადასტრში, 90 ათასამდე ფერმერმა კი მიიღო სახელმწიფოს მხარდაჭერა.

„ეს მხარდამჭერი ღონისძიება  მნიშვნელოვანია იმ თვალსაზრისით, რომ ჩვენ სწორედ მცირე ფერმერებს, სადაც გვაქვს ძალიან დაბალი მოსავლიანობა და ასევე ხარისხიც არ არის დამაკმაყოფილებელი, ხელი შევუწყოთ მათ, როგორც ამ მხარდამჭერი მექანიზმით, ასევე ცოდნის გაზიარებით, თუ როგორ უნდა მოუარონ მათ თავიანთ ფართობებს, რათა უფრო მაღალ პროდუქტიულობას მივაღწიოთ მცირე ფერმერების ნაწილში. მაგალითად შეგვიძლია მოვიყვანოთ მსხვილი ფერმერები და ინდუსტრიული ბაღები, სადაც ჩვენ მოსავლიანობა გვაქვს ორი ტონა - ორ ტონა ნახევრის ფარგლებში, როცა მცირე ფერმერების შემთხვევაში ეს არ აღემატება 700-800 კილოს. ჩვენ თუ შევძლებთ ამ მაჩვენებლების გაორმაგებას, გაუმჯობესებას, ეს ნიშნავს რომ გაცილებით მეტი შემოსავალი ექნება ქვეყანას თხილის ექსპორტისგან. აღსანიშნავია, რომ თხილის ექსპორტის უდიდესი ნაწილი ევროკავშირის ბაზარზე ხორციელდება და ეს არის მნიშვნელოვანი სექტორი. მე თქვენ დაგისახელეთ რიცხვები თუ რამდენი მოსარგებლე ყავდა ამ პროგრამას, ანუ ეს არის ათი ათასობით ოჯახის შემოსავლის წყარო. ჩვენ ამ მაჩვენებლებს თუ გავაუმჯობესებთ სხვადასხვა მხარდამჭერი მექანიზმებით მცირე ფერმერებში, შესაძლებლობა გვექნება თხილის ექსპორტიორ ქვეყნებში სამეულში შევიდეთ, რაც ნიშნავს ჩვენი ქვეყნისა და მოსახლეობის მეტ შემოსავალს“, - განაცხადა ოთარ შამუგიამ.

ავტორი: NS (სტატია დაფინანსებულია),

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით