სასკოლო საგნებთან ერთად, მოსწავლეებს შესაძლებლობა ექნებათ, პროფესიული განათლებაც მიიღონ,- ამის შესახებ განათლებისა და მეცნიერების მინისტრმა, გიორგი ამილახვარმა პარლამენტის პლენარულ სხდომაზე "მინისტრის საათის" ფორმატში გამოსვლისას განაცხადა.

როგორც ამილახვარმა აღნიშნა, 2024 წელს შეირჩევა 50 სკოლა, სადაც პროფესიული განათლების შეტანა დაიწყება.

"ჩვენ ვიწყებთ აქტიურად ზოგად განათლებაში, სასკოლო განათლებაში და განსაკუთრებით საშუალო საფეხურზე პროფესიული განათლების შემოტანას და დაწყებას, რაც იმას ნიშნავს, რომ სკოლის საგნებთან ერთად, ბუნებრივია, ამას დასჭირდება დრო და პირველად 2024 წლისთვის დაგეგმილია 50 სკოლის შერჩევა და დაწყება ამ პროცესის, რომელიც შემდგომ წლებში გაგრძელდება ურყევად. იმ რეგიონში ის მოთხოვნადი პროფესიები, ის შრომის ბაზრის მოთხოვნები, რომლებიც იქაურ ტერიტორიას და მდებარეობას ესაჭიროება, სწორედ ის პროგრამები დაინერგება სკოლაში და სასკოლო საგნებთან ერთად, მოსწავლეებს შესაძლებლობა ექნებათ, მიიღონ ასევე პროფესიული განათლება, რაც სკოლის ატესტთან ერთად, მათ ასევე სრულ შესაძლებლობას აძლევს, რომ ჰქონდეთ დიპლომი და მოხვდნენ შრომის ბაზარზე როგორც თვითდასაქმების კუთხით, ასევე, სხვასთან მუშაობის კუთხით. მათ არასდროს კარი არ დაეხურებათ, რომ გააგრძელონ შემდგომი განათლება როგორც უმაღლეს განათლებაში, ასევე, პროფესიულ განათლებაში",- თქვა ამილახვარმა.

ავტორი: ექსპრესნიუსი,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით