ქვეყანაში დასაქმებულთა რაოდენობამ რეკორდულ მაჩვენებელს მიაღწია, ასევე რეკორდულია დასაქმების დონეც - აი, ეს მოიტანა ბოლო წლებში ჩვენი მთავრობის მიერ გადადგმულმა სწორმა ნაბიჯებმა,- ამის შესახებ პრემიერ-მინისტრმა, ირაკლი ღარიბაშვილმა განაცხადა.

როგორც ღარიბაშვილმა მთავრობის დღევანდელ სხდომაზე აღნიშნა, დღეს რომ ყოფილიყო წინა ხელისუფლება "არც მშვიდობა იქნებოდა და არც ეკონომიკური ზრდა".

"მინდა, გამოვეხმაურო საქსტატის მიერ წინა კვირას გავრცელებულ ინფორმაციას, რომელიც ეხება ეკონომიკურ აქტივობას, დასაქმების საკითხებს. წელს, ყველა კვარტალში გაიზარდა დასაქმებულთა რაოდენობა - მესამე კვარტალშიც გაიზარდა, მეორეშიც, პირველშიც მნიშვნელოვანი ზრდა გვქონდა და ქვეყანაში დასაქმებულთა რაოდენობამ რეკორდულ მაჩვენებელს მიაღწია - მილიონ 366 000 დასაქმებულია წელს ქვეყანაში. ეს ოფიციალურად რა არის საქსტატის მიხდვით გამოქვეყნებული ინფორმაცია. ასევე, რეკორდულია დასაქმებიც დონეც. აი, ეს მოიტანა ბოლო წლებში ჩვენი მთავრობის მიერ გადადგმულმა სწორმა ნაბიჯებმა, მშვიდობის პოლიტიკამ. დღეს რომ ყოფილიყო წინა მთავრობა, დღეს მშვიდობაც არ იქნებოდა, არც ეკონომიკური ზრდა, არაფერი არ იქნებოდა. ქვეყანას ისინი მეორედ და საბოლოოდ დააქცევდნენ, გაანადგურებდნენ როგორც ერთხელ უკვე დაანგრიეს ეს ქვეყანა",- თქვა ღარიბაშვილმა.

ავტორი: ექსპრესნიუსი,

სოციალური ქსელები

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს

რუსეთის ირკუტსკისრეგიონში ჭირის ინფექციის გამო საავადმყოფოში თითქმის 200 ადამიანია მოთავსებული

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა