2023-11-27 10:44:54, 720 ნახვა

---

ხაბეიშვილი - საჯაროდ ვამბობ, რომ ნიკა მელია არ წარმოადგენს „ნაციონალურ მოძრაობას“ - აღარ არის პარტიის წევრი

საჯაროდ ვამბობ, რომ ნიკა მელია არ წარმოადგენს "ნაციონალურ მოძრაობას", აღარ არის პარტიის წევრი, - ამის შესახებ "ნაციონალური მოძრაობის" თავმჯდომარემ, ლევან ხაბეიშვილმა "ფორმულას"ეთერში განაცხადა.

ხაბეიშვილის თქმით, მელია პარტიიდან არ გაუგდია, მან ეს გადაწყვეტილება თავად მიიღო.

"საჯაროდ ვამბობ, რომ ეს კონკრეტული ადამიანი არ წარმოადგენს "ნაციონალურ მოძრაობას". აღარ არის "ნაციონალური მოძრაობის" წევრი და ვერ ილაპარაკებს "ნაციონალური მოძრაობის" სახელით", - განაცხადა ხაბეიშვილმა.

ჟურნალისტის შეკითხვაზე - თქვენ გარიცხეთ? - ხაბეიშვილმა თქვა:

"თქვენ გინდათ, რომ სიტყვა "გააგდეთ" გითხრათ? ან "გაუშვით"? მოდი, ჩემს პასუხს გეტყვით, მე არ გამიშვია, მე არ გამიგდია, ეს გადაწყვიტა მან, რომ ის არ არის "ნაციონალური მოძრაობის" წევრი".

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი