2023-11-21 10:05:01, 995 ნახვა
მსოფლიო
გერმანიის თავდაცვის მინისტრი მოულოდნელი ვიზიტით კიევში ჩავიდა [ვიდეო]
გერმანიის თავდაცვის მინისტრი ბორის პისტორიუსი მოულოდნელი ვიზიტით კიევში ჩავიდა. აღნიშნულის შესახებ ინფორმაციას Agence France Presse ავრცელებს.
სააგენტოს ცნობით, ვიზიტის ფარგლებში პისტორიუსი უკრაინის პრეზიდენტს, ვოლოდიმირ ზელენსკისა და თავდაცვის მინისტრ რუსტემ უმეროვს შეხვდება.
მათივე ცნობით, შეხვედრების მთავარ თემას უკრაინელი ჯარისკაცების მომზადება და კიევისთვის სამხედრო დახმარების მიწოდება წარმოადგენს.
"პოლიტიკურ მოლაპარაკებებთან ერთად, პისტორიუსი მონაწილეობას მიიღებს კიევის მაიდანის მოედანზე გვირგვინის დადების ცერემონიაში და ეწვევა სამხედრო სასწავლო ცენტრს", - წერს AFP.
შეგახსენებთ, რომ გუშინ, 20 ნოემბერს უკრაინას ამერიკის შეერთებული შტატების თავდაცვის მდივანი ლოიდ ოსტინიც სტუმრობდა.
ავტორი: ექსპრესნიუსი,
epn.ge (@expressnews.ge)
