2023-11-20 23:59:25, 1213 ნახვა
მსოფლიო
სტოლტენბერგი - ნატო განიხილავს დასავლეთ ბალკანეთში ჯარების რაოდენობის მუდმივ გაზრდას, რათა დაძაბულობა კონტროლის ქვეშ მოაქციოს
ნატო დასავლეთ ბალკანეთში ჯარების რაოდენობის მუდმივ გაზრდას განიხილავს, ამის შესახებ ნატოს გენერალურმა მდივანმა, იენს სტოლტენბერგმა განაცხადა.
სტოლტენბერგის თქმით, ალიანსი გააკეთებს ყველაფერს იმისთვის, რათა დაძაბულობა კონტროლის ქვეშ მოაქციოს.
„ჩვენ გამოვიყენეთ ჩვენი სარეზერვო ძალები სექტემბერში მომხდარი ძალადობის შემდეგ. ჩვენ ახლა განვიხილავთ, უნდა გვქონდეს თუ არა უფრო მუდმივი ზრდა, რათა უზრუნველვყოთ, რომ სიტუაცია არ გამოვიდეს კონტროლიდან და არ შეიქმნას ახალი ძალადობრივი კონფლიქტი კოსოვოში ან უფრო ფართო რეგიონში. ასე რომ, დიახ, ჩვენ გავაკეთებთ იმას, რაც საჭიროა“, - განაცხადა სტოლტენბერგმა.
ავტორი: ექსპრესნიუსი,
epn.ge (@expressnews.ge)
