ისრაელის ბირთვული იარაღი ყოველგვარი ეჭვის გარეშე უნდა შემოწმდეს, ვიდრე ძალიან გვიან არ არის,- ამის შესახებ თურქეთის პრეზიდენტმა, რეჯეფ თაიფ ერდოღანმა გერმანიაში ვიზიტის დასრულების შემდეგ, ჟურნალისტებთან საუბრისას განაცხადა.

როგორც ერდოღანმა აღნიშნა, ისრაელი ბირთვული იარაღის გაუვრცელებლობის შესახებ ხელშეკრულების მხარეს არ წარმოადგენს და შესაბამისად, მის წესებს არ ექვემდებარება.

„ბირთვული უსაფრთხოების სახელით, წევრ ქვეყნებს საშუალება აქვთ, მიმართონ ატომური ენერგიის საერთაშორისო სააგენტოს და მონიტორინგის მექანიზმი მოითხოვონ. ჩვენ ახლა გავააქტიურებთ ამ პროცესს. იქ მოიწვევენ გამგეობას და ამ მოთხოვნასთან დაკავშირებით გადაწყვეტილებას მიიღებენ.

პროცესს გარკვეული დრო დასჭირდება. გადაწყვეტილებას საბჭო მიიღებს. მათ ეს უნდა გაუგზავნონ გაეროს უსაფრთხოების საბჭოს. შესაძლებელია, ამერიკის შეერთებული შტატები დაუდგეს ისრაელს გვერდით და საკითხს ვეტო დაადოს. ჩვენ გავაგრძელებთ ზეწოლას. ჩვენ, როგორც თურქეთი, ვაკეთებთ ამ მოწოდებას. ისრაელის ბირთვული იარაღი ეჭვგარეშე უნდა შემოწმდეს, ვიდრე ძალიან გვიან არ არის. ჩვენ ამას მივყვებით. მოვუწოდებ მთელ მსოფლიოს, ამ საკითხს არ შეეშვას“,- თქვა ერდოღანმა.

პრეზიდენტმა მედიის წარმომადგენლების შეკითხვებს ღაზას სექტორთან დაკავშირებითაც უპასუხა და აღნიშნა, რომ თურქეთის მცდელობა, პოლიტიკურ ასპარეზზე ღაზას მხარი დაუჭიროს, გრძელდება.

ავტორი: ექსპრესნიუსი,

სოციალური ქსელები

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება