ბრეგაძე - სტრასბურგის სასამართლომ დაადგინა, რომ ახალაიას, უგულავასა და მელიას დაკავება საქართველოს კანონმდებლობის და ევროპული კონვენციის მოთხოვნების სრული დაცვით განხორციელდა

2023-11-17 16:27:06, 703 ნახვა

საზოგადოება

საქართველოში არ არსებობენ პოლიტიკური პატიმრები და ამ საკითხით სპეკულაცია არის სახელმწიფოს წინააღმდეგ მიმართული ნაბიჯი. ის პირები, რომლებიც მსგავს განცხადებებს აკეთებენ, მოქმედებენ საქართველოს ეროვნული ინტერესების წინააღმდეგ, - ამის შესახებ იუსტიციის მინისტრმა, რატი ბრეგაძემ პარლამენტში მინისტრის საათის ფორმატში გამოსვლისას განაცხადა.

იუსტიციის მინისტრმა ყოფილი მაღალჩინოსნების საქმეებზე ისაუბრა, რომლებიც ადამიანის უფლებათა ევროპულ სასამართლოში საქართველოს წინააღმდეგ დაობდნენ.

„ისინი სტრასბურგის სასამართლოში ამტკიცებდნენ ერთსა და იმავეს, თითქოს მათი დაკავება პოლიტიკური მიზნებით განხორციელდა. 2022-23 წლებში გადაწყვეტილებები გამოცხადდა ბაჩო ახალაიას, გიგი უგულავასა და ნიკანორ მელიას საქმეებზე. სამივე საქმეზე ადამიანის უფლებათა ევროპულმა სასამართლომ დაადგინა, რომ მათი დაკავება საქართველოს კანონმდებლობის და ევროპული კონვენციის მოთხოვნების სრული დაცვით განხორციელდა. შესაბამისად, არანაირ პოლიტიკურ გადაწყვეტილებას არ ჰქონია ადგილი. პასუხი არის მარტივი – საქართველოში არ არსებობენ პოლიტიკური პატიმრები და ამ საკითხით სპეკულაცია არის სახელმწიფოს წინააღმდეგ მიმართული ნაბიჯი", - განაცხადა იუსტიციის მინისტრმა.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),