გერმანიის ბუნდესტაგმა საქართველო და მოლდოვა უსაფრთხო ქვეყნების სიაში შეიყვანა, რომელთა მოქალაქეების განაცხადები შეიძლება განიხილებოდეს დაჩქარებული და გამარტივებული პროცედურებით. აღნიშნულის შესახებ ინფორმაციას Deutsche Welle ავრცელებს.

Deutsche Welle-ს ცნობით, შესაბამისი კანონპროექტი გუშინ, 16 ნოემბერს, ხმათა აბსოლუტური უმრავლესობით მიიღეს, წინააღმდეგ მხოლოდ მემარცხენეები წავიდნენ.

როგორც გერმანიის შინაგან საქმეთა მინისტრმა, ნენსი ფეზერმა განაცხადა, აღნიშნული გადაწყვეტილება კიდევ ერთი მნიშვნელოვანი ნაბიჯია არალეგალური მიგრაციის შეზღუდვისკენ.

"როგორც წესი, არცერთ ამ ქვეყანაში არ არსებობს პოლიტიკური დევნის საფრთხე. ამ სახელმწიფოების უსაფრთხო წარმოშობის ქვეყნებად აღიარებით, ჩვენ შეგვიძლია მნიშვნელოვნად დავაჩქაროთ თავშესაფრის განცხადებების განხილვა და შევამციროთ ტვირთი ადგილობრივ ხელისუფლებასა და სასამართლოებზე", - განაცხადა ფეზერმა.

ავტორი: ექსპრესნიუსი,

სოციალური ქსელები

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს

რუსეთის ირკუტსკისრეგიონში ჭირის ინფექციის გამო საავადმყოფოში თითქმის 200 ადამიანია მოთავსებული

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა