2023-11-15 21:26:13, 757 ნახვა
მსოფლიო
ირანის საგარეოს მინისტრი - ღაზაში ჩაგრული ხალხის წინააღმდეგ გამოსაყენებლად, აშშ თელ-ავივში ყველა სახის იარაღს აგზავნის
აშშ თელ-ავივში აგზავნის ყველა სახის იარაღს, მათ შორის ფოსფორს და აკრძალულ ბომბებს კვიპროსის გავლით ან უშუალოდ რეგიონის ბაზებიდან, ღაზაში ჩაგრული ხალხის წინააღმდეგ გამოსაყენებლად, - ამის შესახებ ირანის საგარეო საქმეთა მინისტრმა, ჰოსეინ ამირაბდოლაჰიანმა შვეიცარიაში ვიზიტის დროს განაცხადა.
მისივე თქმით, შეერთებული შტატები თითქოს ჰუმანიტარულ დახმარებას აგზავნის ღაზაში, თუმცა პრაქტიკაში მნიშვნელოვანი არაფერი ხდება.
“ღაზაში ყოველდღიურად 25-დან 40-მდე სატვირთო მანქანა შედის, აქედან სამი მეოთხედი წყალია და ანკლავში არ შედის მედიკამენტები, საკვები და სხვა ძირითადი საჭიროებები”, - განაცხადა ჰოსეინ ამირაბდოლაჰიანმა.
ავტორი: ექსპრესნიუსი,
epn.ge (@expressnews.ge)
