2023-11-15 16:05:20, 926 ნახვა

---

ხუციშვილი - ტურიზმის აღდგენამ ძალიან მნიშვნელოვანი წვლილი შეიტანა როგორც ეკონომიკურ, ისე მიმდინარე ანგარიშის აღდგენაში

ტურიზმის აღდგენამ, ძალიან მნიშვნელოვანი წვლილი შეიტანა, როგორც ეკონომიკურ, ისე მიმდინარე ანგარიშის აღდგენაში,- ამის შესახებ ფინანსთა მინისტრმა, ლაშა ხუციშვილმა პარლამენტში სიტყვით გამოსვლისას განაცხადა.

როგორც მან აღნიშნა, ტურიზმიდან მიღებულმა შემოსავალმა 2022 წელს რეკორდული 3,5 მილიარდი დოლარი შეადგინა.

„აღსანიშნავია, რომ ტურიზმიდან შემოსავლები  კვლავ ზრდას განაგრძობს და მხოლოდ 2023 წლის 9 თვის მდგომარეობით, ტურიზმიდან იმდენივე შემოსავალი მივიღეთ, რაც 2019 წელს მთლიანად და 28 პროცენტით მეტი, ვიდრე 2019 წლის პირველ 9 თვეში. ჩვენი შეფასებით, ტურიზმი მომდევნო წლებშიც გააგრძელებს დადებითი წვლილის შეტანას, როგორც ეკონომიკურ ზრდაში, ისე საგარეო ბალანსის გაუმჯობესებაში", - განაცხადა ხუციშვილმა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი