ღაზას სექტორში მშვიდობიანი მოქალაქეების მსხვერპლის შესამცირებლად უფრო მეტი რამ უნდა გაკეთდეს, - ამის შესახებ ამერიკის შეერთებული შტატების სახელმწიფო მდივანმა, ენტონი ბლინკენმა განაცხადა.

ბლინკენის თქმით, ბოლო კვირების განმავლობაში ბევრი პალესტინელი დაიღუპა და აშშ-ს სურს, რომ გააკეთოს ყველაფერი, რათა მაქსიმალურად დაეხმაროს მშვიდობიან მოსახლეობას.

„ძალიან ბევრი პალესტინელი დაიღუპა, ძალიან ბევრი დაზარალდა ბოლო კვირების განმავლობაში. გვინდა, ყველაფერი გავაკეთოთ, რათა თავიდან ავიცილოთ ზიანი მათთვის და მაქსიმალურად გამოვიყენოთ დახმარება. ამ მიზნით, განვაგრძობთ ისრაელთან კონკრეტული ნაბიჯების განხილვას. არ ვაპირებ დეტალებზე საუბარს, უბრალოდ, შემიძლია ვთქვა, რომ შესაძლებელია მეტის გაკეთება პალესტინელი მშვიდობიანი მოსახლეობისთვის ზიანის შესამცირებლად“, - განაცხადა ენტონი ბლინკენმა.

ცნობისთვის, ისრაელ-„ჰამასის“ შეტაკებების დროს დაღუპულთა რაოდენობამ ორივე მხარეს 12 300-ს გადააჭარბა.  

ავტორი: ექსპრესნიუსი,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ