|
2023-11-08 15:07:00, 934 ნახვა
ეკონომიკა
თბილისში კონფერენცია „შექმნის თუ არა რესურსეფექტურობა ბიზნესის წარმატების საფუძველს საქართველოში“ გაიმართა
7-8 ნოემბერს, თბილისში, გაეროს ინდუსტრიული განვითარების ორგანიზაციის (UNIDO) ორგანიზებით, კონფერენცია „შექმნის თუ არა რესურსეფექტურობა ბიზნესის წარმატების საფუძველს საქართველოში“ გაიმართა. ღონისძიება გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა, საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარემ, მაია ბითაძემ, ეკონომიკისა და მდგრადი განვითარების მინისტრის პირველმა მოადგილემ, რომეო მიქაუტაძემ და საქართველოში ევროკავშირის წარმომადგენლობის თანამშრომლობის განყოფილების ხელმძღვანელმა, ნიკოლას სენდროვიჩმა გახსნეს. „ჩვენ მნიშვნელოვან ნაბიჯებს ვდგამთ ევროკავშირთან ასოცირების შეთანხმებით აღებული ვალდებულებების შესრულების როგორც ენერგოეფექტურობის, ასევე ცირკულარული ეკონომიკის განვითარების მიმართულებით, რაც მდგრადი განვითარების წინაპირობაა. ის რეგლამენტები და რეგულაციები, რომლებიც საქართველომ უკვე მიიღო, ქმნის საფუძველს, საქართველოში მწვანე ეკონომიკა სწრაფად განვითარდეს. ჩვენ აქტიურად ვმუშაობთ საქართველოს ცირკულარულ ეკონომიკაზე გადასვლის ეროვნული გზამკვლევის შემუშავებაზე, რის შემდგომაც მომზადდება სტრატეგია, პროგრამები და ღონისძიებები, რომლებიც სრულად მოიცავს ყველა მიმართულებას, რაც სჭირდება ქვეყანაში ცირკულარული ეკონომიკის განვითარებას, პირველ რიგში კი, ნარჩენების ხელმეორედ გამოყენებას. მინდა აღვნიშნო, რომ საზოგადოების ცნობიერება ამ მიმართულებით მნიშვნელოვნად გაზრდილია. უკვე არსებობს პროცესებში აქტიურად ჩართვის მზაობა როგორც ბიზნესის, ასევე მოქალაქეების მხრიდან, რაც ნამდვილად რეალურ შედეგებამდე მიგვიყვანს“, - აღნიშნა სოლომონ პავლიაშვილმა. ღონისძიების ფარგლებში, მოხსენებები გაკეთდა საქართველოში სამრეწველო საწარმოების ეროვნული შესაძლებლობების განვითარების, ბიზნესში რესურსების დაზოგვისა და წარმოების უფრო მწვანე მეთოდების გამოყენების, მწარმოებლის გაფართოებული ვალდებულების, ეკოინოვაციისა და ეკოეტიკეტების ხელშეწყობის, ნარჩენების მართვის და სხვა არაერთ საკითხზე. კონფერენციას ესწრებოდნენ საქართველოში მწვანე ეკონომიკის განვითარებაში ჩართული ყველა დაინტერესებული მხარე, მათ შორის სახელმწიფო უწყებების, სამრეწველო საწარმოების, ბიზნესის და სამეცნიერო წრეების წარმომადგენლები. კონფერენცია ევროკავშირის (EU) მიერ დაფინანსებული პროგრამის - EU4Environment ფარგლებში გაიმართა. აღნიშნული პროგრამის მიზანია, დაეხმაროს ევროკავშირის აღმოსავლეთ პარტნიორობის ქვეყნებს შეინარჩუნონ ბუნებრივი კაპიტალი და გაზარდონ ადამიანების გარემოსდაცვითი კეთილდღეობა. EU4Environment-ს ახორციელებს ხუთი პარტნიორი ორგანიზაცია: ეკონომიკური თანამშრომლობისა და განვითარების ორგანიზაცია (OECD) გაეროს ეკონომიკური კომისია ევროპისთვის (UNECE), გაეროს გარემოს დაცვის პროგრამა (UNEP), გაეროს ინდუსტრიული განვითარების ორგანიზაცია (UNIDO) და მსოფლიო ბანკი. განხორციელების პერიოდი: 2019-2024 წ.წ, ბიუჯეტი: 20 მლნ ევრო. ინფორმაციას გარემოს დაცვისა და სოფლის მეურნეობის სამინისტრო ავრცელებს.
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



