მოვუწოდებ ყველას, იყვნენ კოორდინირებული და ერთმანეთთან შეტევებს დაანებონ თავი, იმიტომ, რომ ეს ხომ სხვისი თამაშია, სადამდე უნდა იყოს ეს საბავშვო ბაღი - "დაყავი და იბატონე", - ასე მიმართა საქართველოს მესამე პრეზიდენტმა, მიხეილ სააკაშვილმა სასამართლო პროცესზე კლინიკა "ვივამედიდან" დისტანციურად ჩართვისას ოპოზიციის წარმომადგენლებს.

სააკაშვილის თქმით, ოპოზიციამ "სისტემის შეცვლას" ერთიანობით უნდა მიაღწიოს.

"ახლა დრო არის ოპოზიციური ძალების კოორდინაციის, ახალი ხალხის შემოსვლის და საზოგადოების გამზადების გადამწყვეტი გაბრძოლებისთვის თავისი საბოლოო არჩევანის დასამტკიცებლად. არჩევანი ქართველ ხალხს უკვე გაკეთებული აქვს. წინა სამი არჩევნები მთავრობამ უკვე წააგო და ახლა ოლიგარქმა გადაწყვიტა, რომ აღარ გარისკოს და ელექტრონულად დაიწეროს, არ უნდა მივცეთ ამის საშუალება. ამისთვის საჭიროა, ერთმანეთთან ურთიერთობების გარკვევა კი არა, ყველას ჩართვა.

მოვუწოდებ ყველას, ამ საქმეში იყოს კოორდინირებული და ერთმანეთთან შეტევებს დაანებონ თავი, იმიტომ, რომ ეს ხომ სხვისი თამაშია, სადამდე უნდა იყოს ეს საბავშვო ბაღი, რომ "დაყავი და იბატონეს" - პრიმიტიული ვარიანტი...

სისტემის შეცვლას უნდა მივაღწიოთ ყველამ ერთად, ჩვენ არ გვჭირდება ერთ პარტიაში ყოფნა, რომ დავაქორწინოთ ერთმანეთთან სხვადასხვა პარტიები, პოლიტიკური ჯგუფები თუ პიროვნებები პოლიტიკაში ვინც არის, ჩვენ უბრალოდ გვჭირდება, რომ მივაღწიოთ ამ სისტემის შეცვლას ერთობლივი ქმედებებით და მივაღწიოთ იმას, რომ ევროკავშირმა მოახდინოს არჩევნების მონიტორინგი, მოახდინოს ხმების დათვლაში პირდაპირი ჩართვა და მონაწილეობა", - განაცხადა სააკაშვილმა.

შეგახსენებთ, რომ თბილისის საქალაქო სასამართლოში 7 ნოემბრის საქმეზე ექსპრეზიდენტ მიხეილ სააკაშვილისა და მასთან ერთად ბრალდებული ყოფილი მაღალჩინოსნების სასამართლო პროცესი მიმდინარეობს

ავტორი: ექსპრესნიუსი,

სოციალური ქსელები

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს