როგორც არ უნდა შეეცადონ ჩემს გაჩუმებას, იქნება ეს კლინიკაში, თუ ციხეში, თუ სასამართლო სხვადასხვა გარჩევების დროს, მთავარია, საქართველოში ვარ და აქტიურად ვაპირებ, ჩავერთო საქართველოს გადარჩენის პროცესში, - ამის შესახებ საქართველოს მესამე პრეზიდენტმა, მიხეილ სააკაშვილმა სასამართლო პროცესზე კლინიკა "ვივამედიდან" დისტანციურად ჩართვისას განაცხადა.

სააკაშვილის თქმით, მომავალი არჩევნები საქართველოს ისტორიაში ყველაზე მნიშვნელოვანი იქნება, 1990 წელს ჩატარებული არჩევნების შემდეგ.

"მინდა, მივმართო ყველა პოლიტიკურ ძალას, შემდეგი არჩევნები, ეს არის ყველაზე მნიშვნელოვანი არჩევნები საქართველოს ისტორიაში 1990 წლის შემდეგ. 1990 წელს კომუნისტურმა პარტიამ წააგო არჩევნები, "მრგვალი მაგიდა - თავისუფალი საქართველო" მოვიდა, სხვა ძალებთან ერთად და მათ მოახერხეს საქართველოს საბჭოთა კავშირიდან დახსნა. ზუსტად ასეთი გამოწვევების წინაშე ვართ დღეს და ეს სასამართლოც, ჩემი პატიმრობაც უკავშირდება იმას, რომ ისინი აპირებენ, უკან დაგვაბრუნონ საბჭოთა კავშირში. ისინი აპირებენ, რომ ჩააბეტონონ მათი ყოფნა და ესენი არჩევნებით წასვლას არსად არ აპირებენ. ჩვენ ეს უნდა გვესმოდეს, ჩვენ ეს ვიცით, მაგრამ ეს არ ნიშნავს, რომ ისინი არ წავლენ. ისინი წავლენ, მაგრამ როცა ჩვენ ვიმოქმედებთ ერთობლივად, კოორდინირებულად და ერთმანეთთან შეთანხმებით. 

ელექტრონული სისტემა, არის თავიდან ბოლომდე გაყალბებაზე აგებული სისტემა, ეს არის, დაახლოებით ის, რაც აქვთ რუსეთში, პუტინმა რაც შემოიღო და ეს არის სისტემა, სადაც არჩევნებზე, მიუხედავად იმისა, ვინ რა ხმას მისცემს, ერთი კაცი შუშის სასახლეში გადაწყვეტს. დაურეკავს თამარ ჟვანიას, საარჩევნო კომისიის თავმჯდომარეს, თუ რამდენი პროცენტი უნდა დაჯდეს. მათ წინასწარ აქვთ გაყალბებული არჩევნები, გადაწყვიტეს, რომ აღარ გარისკონ და პირდაპირ დაწერონ შედეგი... 

როგორც არ უნდა შეეცადონ ჩემს გაჩუმებას, იქნება ეს კლინიკაში, თუ ციხეში, თუ სასამართლო სხვადასხვა გარჩევების დროს, მთავარია, საქართველოში ვარ და აქტიურად ვაპირებ, ჩავერთო საქართველოს გადარჩენის პროცესში", - განაცხადა სააკაშვილმა.

შეგახსენებთ, რომ თბილისის საქალაქო სასამართლოში 7 ნოემბრის საქმეზე ექსპრეზიდენტ მიხეილ სააკაშვილისა და მასთან ერთად ბრალდებული ყოფილი მაღალჩინოსნების სასამართლო პროცესი მიმდინარეობს.

ავტორი: ექსპრესნიუსი,

სოციალური ქსელები

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს