|
2023-10-26 19:47:25, 731 ნახვა
ეკონომიკა
გენადი არველაძე - „აბრეშუმის გზის ფორუმის“ ფარგლებში დისკუსია დღეს ისეთ მნიშვნელოვან საკითხებს ეხებოდა, რომლებიც კიდევ უფრო გაზრდის საქართველოს მნიშვნელობას რეგიონში
„თემატური დისკუსიები, რომლებიც „აბრეშუმის გზის ფორუმის" ფარგლებში დღეს მთელი დღის განმავლობაში გაიმართა და ხვალაცა არის დაგეგმილი, ისეთ მნიშვნელოვან საკითხებს ეხებოდა, რომლებიც კიდევ უფრო გაზრდის საქართველოს, როგორც ჰაბის მნიშვნელობას რეგიონში", - აცხადებს ეკონომიკისა და მდგრადი განვითარების მინისტრის მოადგილე გენადი არველაძე. მისი თქმით, დღევანდელი დისკუსიის მთავარი საკითხები იყო: თუ როგორ უნდა გახდეს ვაჭრობა უფრო ლიბერალური ქვეყნებსა და რეგიონებს შორის, როგორ აღმოიფხვრას როგორც სატარიფო, ისე არასატარიფო ბარიერები, რომლებიც ხელს უშლის ქვეყნებს შორის ვაჭრობას. ასევე მნიშვნელოვანი იყო ტურიზმის და ენერგეტიკის მიმართულება და ენერგოუსაფრთხოება, რაც, მინისტრის მოადგილის განცხადებით, რეგიონში მიმდინარე მოვლენებიდან გამომდინარე უფრო და უფრო აქტიური ხდება, მათ შორის ევროპის კონტინენტზე. „შესაბამისად, საქართველო ამ კუთხით იკავებს სულ უფრო მნიშვნელოვან როლს. შუა დერეფანი და ტვირთების მოზიდვა - ეს იყო ასევე ერთ-ერთი მნიშვნელოვანი საკითხი, რომელზეც დისკუსია გაიმართა. ამ მხრივ ჩვენ კონკრეტული შედეგიც გვაქვს - ხელი მოვაწერეთ „შუა დერეფნის" სამი ქვეყნის რკინიგზებს შორის - ყაზახეთის, საქართველოსა და აზერბაიჯანის ერთობლივი საწარმოს შექმნას. წესდებაზე ხელი მოვაწერეთ, ჩამოყალიბების შემდეგ სამი ქვეყნის ერთობლივი საწარმო შუა დერეფანში დამატებითი ტვირთების მოზიდვას შეუწობს ხელს და რაც მნიშვნელოვანია, „ერთი ფანჯრის" პრინციპით მოხდება მომსახურების მიწოდება. ეს კიდევ უფრო გაზრდის დერეფნის მნიშვნელობას", - განაცხადა გენადი არველაძემ. მინისტრის მოადგილე დარწმუნებულია, რომ ასევე მნიშვნელოვანი იქნება ფორუმის ხვალინდელი დღეც - შედგება საინვესტიციო პანელი და დისკუსია მის ფარგლებში. ამასთან, მნიშვნელოვანია, რომ კერძო სექტორი ხვალ უშუალოდ მოახდენს იმ გამოცდილების გაზიარებას, თუ რამდენად ხელსაყრელია კონკრეტული მიმართულებით ინვესტირება ჩვენს ქვეყანაში. „უკვე დადასტურებულია, რომ ხვალ ასევე 200-ზე მეტი ორმხრივი შეხვედრა შედგება ბიზნესებს შორის, რაც დარწმუნებული ვარ, რომ კონკრეტულ შედეგებს მოიტანს", - აცხადებს გენადი არველაძე.
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



