2023-10-25 23:17:52, 858 ნახვა
მსოფლიო
ბაიდენი - თუ ირანი აშშ-ის ჯარების წინააღმდეგ მოქმედებას გააგრძელებს, ვუპასუხებთ
თუ ირანი აშშ-ის ჯარების წინააღმდეგ მოქმედებას გააგრძელებს, ვუპასუხებთ, - ამის შესახებ ამერიკის შეერთებული შტატების პრეზიდენტმა, ჯო ბაიდენმა განაცხადა.
ბაიდენის თქმით, აშშ-ს რეგიონში ჯარები 11 სექტემბრის შემდეგ ჰყავს და ეს ისრაელს არ უკავშირდება.
"რეგიონში ჯარები 11 სექტემბრის შემდეგ გვყავს, ISIS-ის დასამარცხებლად. ისრაელს ეს არ უკავშირდება. აიათოლადასმი ჩემი გაფრთხილება იქნება, თუ ისინი გააგრძელებენ მოქმედებას ამ ჯარების [აშშ-ის] წინააღმდეგ, ჩვენ ვუპასუხებთ და ის ამისთვის მზად უნდა იყოს. ამას არავითარი კავშირი არ აქვს ისრაელთან", - განაცხადა ბაიდენმა.
ცნობისთვის, აშშ ირანს "ჰამასის" და "ჰეზბოლას" მხარდაჭერაში ადანაშაულებს.
ავტორი: ექსპრესნიუსი,
epn.ge (@expressnews.ge)
