|
2023-10-24 12:37:00, 859 ნახვა
ეკონომიკა
დაცული ტერიტორიების სააგენტოში ჯავახეთის დაცულ ტერიტორიებზე ეკოტურიზმის განვითარების გენერალური გეგმის დოკუმენტი განიხილეს
დაცული ტერიტორიების სააგენტოში ჯავახეთის დაცულ ტერიტორიებზე ეკოტურიზმის განვითარების გენერალური გეგმის დოკუმენტი სამუშაო შეხვედრაზე განიხილეს. ამის შესახებ ინფორმაციას დაცული ტერიტორიების სააგენტო ავრცელებს. სამუშაო შეხვედრას დაცული ტერიტორიების სააგენტოს, გარემოს დაცვისა და სოფლის მეურნეობის სამინისტროს, ჯავახეთის დაცული ტერიტორიების, ნინოწმინდისა და ახალქალაქის მუნიციპალიტეტის წარმომადგენლები ესწრებოდნენ. „დაცული ტერიტორიების სააგენტოსთვის, ბიომრავალფეროვნების დაცვასთან ერთად, გარემოსდაცვით საქმიანობაში ადგილობრივი მოსახლეობის ჩართვა და მათი ეკოტურისტული საქმიანობის მხარდაჭერა ერთ-ერთ პრიორიტეტულ ამოცანას წარმოადგენს. ასევე ძალიან მნიშვნელოვანია ადგილობრივი მუნიციპალიტეტების ჩართულობა, რათა სწორად მოხდეს საჭირობების და შესაძლო მიდგომების განსაზღვრა კონკრეტული მიზნების მისაღწევად“, - აღნიშნა დაცული ტერიტორიების სააგენტოს თავმჯდომარემ, დავით იოსებაშვილმა. დაცული ტერიტორიების სააგენტოს ცნობით, ეკოტურიზმის განვითარების გენერალური გეგმის პროექტი წარმოადგენს დაცული ტერიტორიის უახლოესი 10 წლის ზოგად ხედვას, რომელიც მიღწეული უნდა იყოს მოკლევადიან პერიოდზე გათვლილი მიდგომებისა და რეკომენდაციების დანერგვითა და შესრულებით. ჯავახეთის დაცული ტერიტორიების გენერალური გეგმის პროექტი შემუშავებულია გარემოს დაცვისა და სოფლის მეურნეობის სამინისტროსა და შვედეთის სამეფოს მთავრობის საერთაშორისო განვითარების თანამშრომლობის სააგენტოს (Sida) პროექტის „გადავარჩინოთ ბუნება - საქართველო“ ფარგლებში. დოკუმენტის შექმნაზე იმუშავა შპს „ჯეონეიჩარ კორპორაციამ“, დაინტერესებული მხარეების მონაწილეობით. პროექტის „გადავარჩინოთ ბუნება - საქართველო“ ფარგლებში, ეკოტურიზმის განვითარების გენერალური გეგმა, ჯამში, 17 დაცული ტერიტორიისთვის შემუშავდება.
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



