2023-10-23 22:51:39, 945 ნახვა
მსოფლიო
სტოლტენბერგი - ერდოღანთან საუბარი მქონდა ახლო აღმოსავლეთში არსებულ მდგომარეობაზე, ვთანხმდებით, რომ ტერორიზმს უნდა ვებრძოლოთ
ნატოს გენერალურ მდივანს, იენს სტოლტენბერგსა და თურქეთის პრეზიდენტს, რეჯეფ თაიფ ერდოღანს შორის სატელეფონო საუბარი გაიმართა. ამის შესახებ სტოლტენბერგმა სოციალურ ქსელში დაწერა.
სტოლტენბერგის თქმით, მას ერდოღანთან ტერორიზმსა და ახლო აღმოსავლეთში არსებული მდგომარეობის შესახებ ჰქონდა საუბარი.
„საუბარი მქონდა პრეზიდენტ ერდოღანთან ტერორიზმსა და ახლო აღმოსავლეთში არსებული მდგომარეობის შესახებ. ჩვენ ვთანხმდებით, რომ უნდა ვებრძოლოთ ტერორიზმს, ხოლო მშვიდობიანი მოსახლეობა უნდა იყოს დაცული. მივესალმები, რომ ჰუმანიტარული დახმარება მალე ღაზაში ჩავა. ჩვენ ასევე განვიხილეთ შვედეთის ნატო-ში გაწევრიანების პროცესი“, - წერს სტოლტენბერგი.
ავტორი: ექსპრესნიუსი,
epn.ge (@expressnews.ge)
