კარგი რომ არის ეკონომიკურადაც, ფასეულობებითაც და რომ ვიზიარებთ, ამიტომ გვინდა ევროკავშირში წევრობა, - ამის შესახებ პარლამენტის ევროპასთან ინტეგრაციის კომიტეტის თავმჯდომარე მაკა ბოჭორიშვილმა, საქართველოში გერმანიის ელჩის, პეტერ ფიშერის კომენტარის შესახებ დასმული კითხვის პასუხად განაცხადა.

ბოჭორიშვილმა შეაფასა გერმანიის ელჩის კომენტარი პარლამენტის თავმჯდომარის, შალვა პაპუაშვილის იმ განცხადებაზე, სადაც აღნიშნულია, რომ ევროკავშირი უპირველესად, ეკონომიკური კავშირია,  ფიშერის თქმით კი, ის თანხმება "საქართველოს ეკონომიკურ პროგრესს, მაგრამ ევროკავშირი არ არის, ძირითადად, ეკონომიკური კავშირი."

მაკა ბოჭორიშვილის თქმით, ევროკავშირი პირველ რიგში, სწორედ ეკონომიკური გაერთიანებაა, რომელსაც თან ახლავს საფუძვლები, რომლებზეც ევროკავშირი დგას.  

"ევროკავშირი კარგად ვიცით, რა კავშირიც არის - ევროკავშირი, პირველ რიგში, ზუსტად არის წევრი ქვეყნების ეკონომიკური გაერთიანება, რომელსაც, რა თქმა უნდა, თან ახლავს ის საფუძვლები, რომელზეც დგას ევროკავშირი, რაც განსაზღვრულია შესაბამის შეთანხმებებში," - განაცხადა ბოჭორიშვილმა.

ბოჭორიშვილმა ასევე ისაუბრა ოპოზიციის მცდელობაზე, "დესტაბილიზაციისთვის გამოიყენონ ქვეყნის ისეთი სტრატეგიული მიზანი, როგორიც ევროპული მომავალია".

"სამწუხაროა, რომ პოლიტიკური რესურსისგან იმდენად დაცლილია ჩვენი ოპოზიციური ფრონტი, რომ მათ მხოლოდ ერთი რამ უტრიალებთ თავში: კანონიერი ჩარჩოების მიღმა, როგორ მოახერხონ ხელისუფლების ხელში ჩაგდება. არც ერთი საკითხის გამოყენებას არ ერიდებიან ამ მიზნისთვის.  ვხედავთ, როგორ იყენებენ ქვეყნის სტრატეგიულ მიზნებსაც კი, როგორიც არის ევროპული მომავალი, მხოლოდ იმ მიზნისთვის, რომ შექმნან დესტაბილიზაცია და დესტაბილიზაციის ფონზე შეძლონ ხელისუფლების ხელში ჩაგდება",  -დასძინა ბოჭორიშვილმა.

ავტორი: NS (სტატია დაფინანსებულია),

სოციალური ქსელები

ტრამპმა ერდოღანს მეგობარი უწოდა: მე მას ყოველთვის გავახარებ

გერმანიის ელჩი - ქართველები რუსული შეჭრის ტკივილს ღრმად იცნობენ, მაშინ როდესაც მათი ტერიტორიის 20% ოკუპირებულია

დუბაის პრინცმა ინდოელი flydubai-ს პილოტი, კაპიტანი სმიტ მაჩჰარი საავადმყოფოში მოინახულა

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები