|
2023-10-20 19:59:30, 1125 ნახვა
ეკონომიკა
თამარ გაბუნიამ, გაეროს ევროპის ეკონომიკური კომისიისა და გაეროს მოსახლეობის ფონდის რეგიონულ კონფერენციაში მონაწილეობა მიიღო
თამარ გაბუნიამ, შვეიცარიაში, გაეროს ევროპის ეკონომიკური კომისიისა და გაეროს მოსახლეობის ფონდის რეგიონულ კონფერენციაში მიიღო მონაწილეობა. ამის შესახებ ინფორმაციას ჯანდაცვის სამინისტრო ავრცელებს. სქესობრივი და რეპროდუქციული ჯანმრთელობა, ადამიანის უფლებები და ჯანდაცვის სისტემების გაძლიერება იყო ერთ-ერთი მთავარი საკითხი, რომელიც მოსახლეობისა და განვითარების საერთაშორისო კონფერენციაზე სხვადასხვა ქვეყნის პირველმა პირებმა და ჯანდაცვის უწყების წარმომადგენლებმა განიხილეს. მაღალი დონის შეხვედრაზე, ღონისძიების მონაწილეებმა, 1994 წელს მოსახლეობისა და განვითარების საერთაშორისო კონფერენციის (ICPD) მიერ მიღებული სამოქმედო პროგრამის განხორციელების 30 წლიანი პროგრესი შეაჯამეს. განიხილეს, თუ როგორ შეუძლიათ ქვეყნებს დააჩქარონ პროგრესი სქესობრივი და რეპროდუქციული ჯანმრთელობის საყოველთაო ხელმისაწვდომობისკენ. კონფერენციაზე ,სიტყვით გამოვიდა საქართველოს ჯანდაცვის მინისტრის პირველი მოადგილე. თამარ გაბუნიამ ხაზგასმით აღნიშნა, რომ რეპროდუქციული ჯანმრთელობა და უფლებები არის განვითარებისა და ინდივიდუალური კეთილდღეობის ძირითადი ხელშემწყობი და უნდა დარჩეს უმთავრეს პრიორიტეტად, ვინაიდან მოსახლეობისა და განვითარების საერთაშორისო კონფერენცია ადგენს მკაფიო კავშირს რეპროდუქციულ ჯანმრთელობას, ადამიანის უფლებებსა და მდგრად განვითარებას შორის. მინისტრის მოადგილემ განსაკუთრებული ყურადღება დაუთმო ჯანდაცვის სერვისებზე უნივერსალური წვდომას, პერინატალური და ანტენატალური სერვისების რეგიონალიზაციისა და ოჯახის დაგეგმვის სერვისების დანერგვის მნიშვნელობასაც. რეპროდუქციული ჯანმრთელობისა და უფლებების პროგრესის დაჩქარების მიზნით, საქართველოში არაერთი რეგიონული შეხვედრა გაიმართა, რომელსაც აღმოსავლეთ ევროპისა და ცენტრალური აზიის ქვეყნების მთავრობების, სამოქალაქო საზოგადოების, აკადემიური წრეებისა და საერთაშორისო ორგანიზაციების 100-ზე მეტი წარმომადგენელი ესწრებოდა. მსგავსი ტიპის შეხვედრები მომავალშიც გაგრძელდება. რეგიონულ ღონისძიებას პრემიერ-მინისტრის მრჩეველი ადამიანის უფლებათა დაცვის საკითხებში, ნიკო თათულაშვილი და საქართველოს სტატისტიკის ეროვნული სამსახურის აღმასრულებელი დირექტორის მოადგილე, პაატა შავიშვილი ესწრებოდნენ.
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



