დღეიდან შემდეგი 1 წლის განმავლობაში სალომე ზურაბიშვილი მხოლოდ ფორმალურად იქნება საქართველოს პრეზიდენტი. ის იქნება არა საქართველოს პრეზიდენტი, არამედ "ნაცმოძრაობის" პრეზიდენტი,- ამის შესახებ "ქართული ოცნების" თავმჯდომარემ, ირაკლი კობახიძემ პრეზიდენტის იმპიჩმენტის საკითხის ჩავარდნაზე საუბრისას განაცხადა.

კობახიძის თქმით, იმპიჩმენტის პროცედურას ორი მნიშვნელოვანი შედეგი ჰქონდა. 

"იმპიჩმენტის პროცედურას ჰქონდა ძალიან მნიშვნელოვანი შედეგი. პირველი ეს არის, რომ დადგინდა საქართველოს პრეზიდენტის მიერ კონსტიტუციის უხეში, მრავალჯერადი და მძიმე დარღვევა, რასაც სერიოზული პრევენციული ეფექტი ექნება. მეორე, კიდევ ერთხელ ვიხილეთ, იმ ალიანსის ლუსტრაცია, რომელიც არის ჩამოყალიბებული სალომე ზურაბიშვილსა და დანარჩენ რადიკალურ ოპოზიციას შორის.

ხალხის მიერ არჩეული პარლამენტის წევრების უმრავლესობამ ოფიციალურად დაადასტურა, რომ სალომე ზურაბიშვილს აღარ მიიჩნევს პრეზიდენტობის ნიშნად. შესაბამისად, დღეიდან შემდეგი 1 წლის განმავლობაში სალომე ზურაბიშვილი იქნება მხოლოდ ფორმალურად საქართველოს პრეზიდენტი. ის იქნება არა საქართველოს პრეზიდენტი, არამედ "ნაცმოძრაობის" პრეზიდენტი",- განაცხადა კობახიძემ.

ცნობისთვის, საქართველოს პარლამენტმა პრეზიდენტ სალომე ზურაბიშვილის იმპიჩმენტს მხარი არ დაუჭირა. 

პრეზიდენტის გადასაყენებლად 100 ხმა იყო საჭირო, საკანონმდებლო ორგანოში გამართული კენჭისყრის შედეგების მიხედვით კი, იმპიჩმენტს მხარი 86-მა დეპუტატმა დაუჭირა, ერთი წინააღმდეგ წავიდა. 

ავტორი: ექსპრესნიუსი,

სოციალური ქსელები

ტრამპმა ერდოღანს მეგობარი უწოდა: მე მას ყოველთვის გავახარებ

გერმანიის ელჩი - ქართველები რუსული შეჭრის ტკივილს ღრმად იცნობენ, მაშინ როდესაც მათი ტერიტორიის 20% ოკუპირებულია

დუბაის პრინცმა ინდოელი flydubai-ს პილოტი, კაპიტანი სმიტ მაჩჰარი საავადმყოფოში მოინახულა

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები