2023-10-13 09:39:38, 747 ნახვა

---

ისრაელი მოუწოდებს გაეროს, 24 საათის განმავლობაში ღაზას ჩრდილოეთით მყოფი მოსახლეობის სამხრეთში ევაკუაცია განახორციელოს

ისრაელის თავდაცვის ძალებმა (IDF) შეატყობინეს გაეროს, რომ 24 საათის განმავლობაში, ღაზას სექტორის ჩრდილოეთ ნაწილში მყოფი პალესტინელი მოსახლეობის ევაკუაცია სამხრეთ ღაზაში უნდა მოხდეს. როგორც CNN იტყობინება, ამის შესახებ გაეროს გენერალური მდივნის სპიკერმა, სტეფან დუჟარიკმა განაცხადა.

დუჟარიკის თქმით, გაფრთხილება ასევე ეხებოდათ გაეროს თანამშრომლებსა და ორგანიზაციის დაწესებულებებში თავშეფარებულებს.

„გაერთიანებული ერების ორგანიზაცია შეუძლებლად მიიჩნევს, რომ ასეთი მოძრაობა განხორციელდეს დამანგრეველი ჰუმანიტარული შედეგების გარეშე... გაერო მტკიცედ მოუწოდებს ნებისმიერი ასეთი ბრძანების გაუქმებას, რათა თავიდან იყოს აცილებული ის, რაც შეიძლება გარდაიქმნას ტრაგედიიდან კატასტროფულ სიტუაციად“,- ამბობს დუჟარიკი.

ცნობისთვის, უცხოური მედია იტყობინება, რომ არსებობს ვარაუდი, რომლის მიხედვითაც, ისრაელი ღაზას სექტორში სახმელეთო ოპერაციის დაწყებას გეგმავს და მოსახლეობის ევაკუაციის შესახებ თავდაცვის ძალების გაფრთხილებაც სწორედ ამას გულისხმობს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი